The Online Froissart

Facsimile mode Settings Browse | Collate

pb 196 r
Estievenez avoit donné a son frere, de quoy li dus Fedris s’en contentoit asséz, et
en avoit escript auquez sus celle fourme as onclez dou roy, a son oncle le duc Aubert
et a madame de Braibant, as quelz il en avoit parlé a son retour, et quidoit bien
que on euist mis en noncalloir toutez ces cosez, et ossi on parloit dou mariage
dou roy ailleurs. Et se fust asséz tos ly rois accordéz a la fille dou duc de Loer
aine. Car elle estoit moult belle damoisselle et de son eage ou asséz priéz, et
de grant et noble generacion de ceux de Blois. Et ossi parlé fu de la fille dou
duc de Lancastre, qui puis fu roine de Portingal, mais on n’y pooit trouver
nul bon moiien pour leur guerre, si convint la cose demorer. Or remist sus la
duçoise de Braibant, quant elle fu a Cambray as mariagez dessus dis de Bour
gongne et de Haynnau, et li rois de France et si doy oncle y furent, ly dus
de Bourgongne et li dus de Bourbon, le mariage de Baiviere, et dist bien que
c’estoit le plus pourfitable et le plus honnerable pour la cause des aliancez
qui en pooient descendre et venir des Allemans, que elle seuist a present
pour le roy. "Voire, dame," respondirent ly oncle dou roy, "mais nous n’en oons
nullez nouvellez." "Or vous taissiéz," dist la duçoise, "je le feray traire avant,
et en oréz nouvellez

en cel esté sans nulle faute." Les promessez de la duçoise
furent averiez. Car elle fist tant que ly dus Fedris, sez onclez, en fina a son
frere le

duc Estievene de l’amener, si com vous oés et oréz enssieuant. Et
dissoient sus leur chemin que il aloient en pelerinage a Saint Jehan d’Amiens,
toutez gens le supposoient enssi, car Alemant vont volentiers en pelerinage,
et l’ont eu et le tiennent d’uzage.
SHF 2-448 sync Quant ly dus Fedris et sa cousine, madamoisselle Yzabel de Baiviere, orent
esté a Brouxellez III jours daléz la duçoise, il s’en partirent et prissent
congiet, mais che fu bien ly intencion de le duçoise, et leur promist a leur de
partement, que elle seroit ossi tos a Amiens comme eux, ou devant, et que elle
y vosist ossi aler en pelerinage, sus cel estat faisoit elle ordonner ses beso
ngnez, or vinrent ly dus Fedris et sa cousine en Haynnau, et droitement
au Quesnoy, ou il trouverent le duc et la duçoise, et Guillaume de Haynnau, qui
se nommoit et escripsoit contez d’Ostrevant, et madame sa femme, fille au duc
de Bourgongne, ly quel et lez quellez rechurent liement et doucement le duc
Fedri de Baiviere. Car ly dus Aubers en estoit onclez, et leur cousine ossy. "Et con
ment en avéz vous finet de l’amener?" demanderent ly dus Aubers et sa femme.
Car bien savoient que leurs cousins, ly dus Estievenez, pour lez incidenssez dessus
ditez y avoit esté grandement rebellez. "Je le vous diray," respondy ly dus Fedris,
"j’en ay eu mout de paine, et toutezfois j’ay tant mené et tané mon frere pb 196 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.