pb 205 r
sen cariage, et bien savoit en devant que li François et li Escochois devoient venir.
Si avoit a son pooir grandement bien pourveu le castiel de gens d’armes et
d’artelleriie pour atendre l’assaut, devant le castiel de Werck s’amanagierent et
aresterent toute ly host. Car il sciet sus une belle riviere qui rentre en la mer
par le Tuide desous Bervich, a ce castiel de Werck ot I jour tres grant assaut.
Et moult bien s’i porterent ly François trop mieux que ly Escot. Car il entroient
ens es fosséz et les passoient a grant paine tout oultre. Et la ot fait de ceux
d’amont a ceux d’aval des grans apertissez d’armez, car li François montoient
amont sus eschiellez, et se venoient combatre main a main de daghez a ceux
dou fort, la fu messires Jehans de Lusebourne, tres bons chevaliers, et se combaty moult
vassaument as chevaliers françois qui montoient sour les esciellez, et la a cel a
ssaut fu ochis, dont che fu damagez, uns chevaliers alemans qui s’apelloit
messires Weris Gastelin, et moult en y ot ce jour de navréz et de blechiéz, mais
finablement il y avoit si grant peuple, et fu li asaulx si continuéz, que finable
ment li castiaux fu pris, et li chevaliers et sa femme et sy enfant dedens, et
orent la ly François qui premiers y entrerent, plus de XL prisonniers, puis
fu li castiaux ars et desenparéz. Car il veoient que il ne faissoit pas
a tenir, ne tenir ne le poroient sy avant en Engletiere.
SHF 2-470 sync Apriés les conqués dou castiel de Werck et la prise de messire Guillaume de
Luscebourne, ly amiraulx de France et li baron de France et d’Escoce che
vauchierent vers Anwich, en la terre le signeur de Persy, et se logierent
tout enmy, et ardirent et exillierent aucuns villagez, et furent jusques
a Vroel, un biel castiel et fort qui est sus la marine, au conte de Northo
mbrelande, mais point n’y asaillirent. Car il savoient bien que il perde
roient leur paine, et chevauchierent toute celle frontiere jusquez a Mo
urepas, en my chemin de Bervich et de Noefcastiel sur Thin, et la en
tendirent que ly dus de Lancastre, ly contez de Northombrelant, ly contez
de Notinghen, ly sirez de Noefville et ly baron de la marce et de la front
iere de Nothombrelande et de l’arcevesquiet d’Iorch et de l’evesquiet de
Durem venoient a grant effort. Quant la nouvelle en fu venue jusques
a l’amiral, si en fu tous resjois, ossi furent li baron et li chevalier de France,
qui en se compaignie estoient. Car il desiroient a avoir la bataille, mais
ly Escoçois n’en faissoient compte. La fu consilliet a Mourepas que il
se retrairoient vers la marce de Bervich, pour la cause de leurs pour
veancez qui lez sieuoient, et pour avoir leur paÿs au dos, et la sur leur pb 205 v