pb 23 r
hommez qui de ly tenoient, pour avoir conseil comment il se poroient tenir
de ces besongnes et contrevengier de chiaulx de Gaind, qui ly avoient
fait tant de despis. Tout ly gentilhomme de Flandrez ly jurerent a
estre bon et loial, enssi que on doit estre a son signeur sans nul moiien.
De che fu li contez grandement resjois. Sy envoiia gens par tout ses casti
aulx, a Tenremonde, a Ripeumonde, a Alos, a Gauvre, a Audenarde et par
tout fist grandez garnissons.
SHF 2-114 sync Or fu Jehans Lions trop grandement resjois, quant il vei que li contez
de Flandrez voloit ouvrer a certez et que il estoit si enfeleniiés
que cil de Gaind ne poroient venir a pais, et que il avoit par ses sou
tieux ars bouté la ville de Gaind si avant en la guerre, que il conve
noit, vosissent ou non, que il guerriaissent. Adont dist il tout
hault: "Signeur, vous veés et entendéz comment nos sirez ly contez
se pourvoit contre nous, et ne nous voelt requellier a paix. Si lo et
conseil pour le mieux que, anchois que nous soions plus grevé ne a
pressé, nous sachons li quel de Flandrez demoront dalléz nous. Je
respons pour ceulx de Granmont, il ne nous feront nul contraire,
mais seront volentiers dalléz nous. Ossi seront cil de Courtray, car c’est
en nostre castelerie, et s’est Courtray nostre cambre. Mais vela chiaulx de
Brugez qui sont grant et orgilleus, et par eulz toute ceste felonnie est esmeue.
S’est bon que nous alons deviers yaulx et si fort que, bellement ou laidement,
il soient de nostre accord." Cascuns respondy: "Il est bon, il est bon." Adont
furent ordonné par paroces tout cil qui yroient en ceste legacion, si se pour
veirent et ordonnerent et tout par monstre, enssi que a iaulx appartenoit,
et se partirent de Gaind entre noef et diis mille hommez, et enmenerent
grant carroy et grans pourveancez, et vinrent che premier jour jesir a Donse.
A l’endemain, il aprocierent Brugez a une petite lieue priés. Adonc se ren
gierent il tous sus les camps et se missent en ordenance de bataille, et
leur carroi deriere yaulx. La furent ordonné depar Jehan Lion aucun
doiien des mestiers, et leur dist: "Alés vous ent a Brugez et ditez que je
et la bonne ville de Gaind venons chi, non pour guerre ne yaulx grever,
se il ne voellent, ou cas que il nous ouveront deboinairement les
portes, et nous raportéz se il nous voldront estre ami ou ennemy, et sur
ce arons avis." Chil se departirent de la grose route, qui ordonné y furent,
et s’en vinrent as baillez de Bruges et les trouverent fremees et bien pb 23 v