The Online Froissart

Facsimile mode Settings Browse | Collate

pb 25 v
dedens avoient esté occis, que pour autrez coses. Toutezfois il se reconforta
et dist: "Se nous avons perdu Yppre ceste fois, une autre fois nous le recouverons
a leur malle mescheance. Car j’en feray encorez tant trenchier les testes
et la et ailleurs,

que li autre s’en esbahiront." Ly contez entendy par especial
moult grandement a pourveir la ville d’Audenarde de pourveancez et de
bonnez gens pour le garder, car il supposoit asséz que ly Gantois o leur
effort le venroient assegier. Et che ly seroit uns trop grans contrairez, se
il en estoient signeur, car il aroient la bonne riviere d’Escaut et le navire
a leur aisse et volenté. Se y envoia pourveuement grant fuisson de chevaliers
et d’escuiers de Flandrez, de Haynnau et d’Artois, qui tout s’i bouterent et ama
serent, et en furent mestre, vosissent les gens de la ville ou non. Les
cappitainnes de Gaind, qui estoient retrait en leur ville, entendirent cou
ment li contez pourveoit grandement la ville d’Audenarde. Sy eurent
conseil que il le venroient asegier et ne s’en partiroient si l’aroient con
quisse et tous mors chiaulx qui dedens estoient, et les portez et les murs
abatus. Si fissent I commandement en Gaind que cascuns fust pour

veus
bien et souffissanment, enssi comme a luy appertenoit, pour partir et aler la
ou on lez voldroit mener. A che banc ne desobei nuls, et se ordonnerent,
et cargierent tentez et trés et pourveancez. Et partirent de Gaind et
s’en vinrent logier devant Audenarde sus ces biaus prés contreval
l’Escaut. Trois jours aprés, vinrent chil de Brugez qui furent mandé, et
se logierent au léz deviers leur ville, et amenerent grant carroy et grossez
pourveances. Puis vinrent cil de Ippre ossi en grant arroy, chil de Poperin
ghe, chil de Meschinez et dou Franc de Brugez et ossi cil de Granmont
estoient en conte. Ly Flament devant Audenarde estoient plus de cent
mille, et avoient fait pons de nefs et de

cloiez sus l’Escaut ou il aloient
de l’un a l’autre. Ly contez de Flandres, qui se tenoit a Lille, eut en pourpos que
il venroit a Tenremonde, car il avoit mandé en Allemaigne, en Guerlez
et en Braibant grant fuisson de chevaliers et d’escuiers et par especial son
cousin le duc des Mons, qui le vint servir a grant fuison de chevaliers et d’escuiers.
Et se bouterent a Tenremonde, et y trouverent le conte de Flandrez, qui ja
y estoit venus par les frontierez de Haynnau et de Braibant, qui fu moult resjois
de leur venue.
SHF 2-118 sync Enssi se tint li siegez devant Audenarde des Flamens moult longement.
Sy y eut fait, le siege estant, pluiseurs grans assaulx et escarmucez. Et priéz
que tous lez jours y avoit fais d’armez as barrierez et gens mors et blechiéz, pb 26 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.