The Online Froissart

Facsimile mode Settings Browse | Collate

pb 29 v
seurent sa venue. Si se rafresqui a Vennez li dus V jours ou environ, et puis
s’en vint a Nantez. La le vinrent veoir baron et prelat, chevalier et damez, et se offri
rent et missent tout en se obeissance, et se complaindirent grandement des Fran
çois et dou connestable de Franche qui avoit courut au léz deviers Rennez sus
son païx. Ly dus les apaissa bellement, et dist: "Bonnez gens, je doy temprement
avoir confort d’Engletiere, car, sans l’aide des Englés, je ne me puis bonnement
deffendre contre lez François, car il sont trop fort contre nous, ou cas que
en ce paix nous sommez en different ensamble. Et quant cil seront venu que ly
rois d’Engletiere me doit envoiier, se on nous a fait des tors, nous en ferons
ossi." De ces parollez se contempterent grandement chil de Bretaigne, qui estoient
de le partie dou duck. En che tamps, environ le Saint Andrieu, trespassa

de
che siecle, a Prage en Behaigne, messires Charles de Boesme, rois d’Allemaigne et
empererez de Romme. Le roy Charle vivant, il avoit tant fait par son or et par
son argent et par grans aliancez, que li eslisseur de l’empire d’Allemaigne

a
voient juret et seelet a tenir roy son fil de toute Alemaigne apriéz sa mort
et faire leur loial pooir de tenir siege devant Ais, et de demorer daléz luy
contre ceulx qui i voldroient debatre, siquez, tantost apriéz le mort de l’em
pereur, messires Charlez, ses filz, s’escripsi rois de Behaigne et d’Alemaigne et rois
des Rommains.
SHF 2-125 sync En celle saisson eut grans consaulx en Engletiere des onclez dou roi, des
prelas et des barons dou païs pour le jone roy Richart d’Engletiere mariier,
et euissent volentiers li Englés veü que il se fuist mariiéz en Haynnau pour
l’amour de la bonne roine Phelippre, leur dame, qui leur fu si bonne, si large et
si honnerable, qui avoit esté de Haynnau. Mais ly dus Aubiers en che tamps
n’avoit nulle fille en point pour mariier. Ly dus de Lancastre euist volentiers
veu que li rois, ses cousins, euist pris sa fille que il eut de madame Blance de
Lancastre, sa premiere femme. Mais li païs ne le voloit miez consentir pour deus
raisons. Ly une estoit que la dame estoit sa cousine germaine, che par estoit
trop grant proismecté, et li autre que on voloit que ly rois se mariast oultre
le mer pour avoir plus de aliancez. Si fu misse avant la soer dou jone roy
Charle de Boesme et d’Allemaigne, fille a l’empereur de Romme qui avoit esté.
A cel avis se tinrent tout ly consaulx d’Engletiere. Si en fu cargiéz pour
aller en Allemaigne et pour tretier

che mariage uns moult vaillans chevaliers
dou roy, qui avoit esté sez maistrez et fu toudis moult prochains dou prince
de Gallez, son pere. Si estoit nomméz li chevaliers messires Simons Burllé, sage homme
et grant tretieur

durement. Si fu a messire Simon ordonné tout che que a ly pb 30 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.