The Online Froissart

Facsimile mode Settings Browse | Collate

pb 39 v
on dist Flolant, ou dedens avoit I escuier a qui le maison appartenoit,
que on clamoit Robert. Chils escuiers estoit bons homs d’armez, si avoit
garni et

pourveu sa maison de bons compaignons que il avoit pris et
requelliéz la environ, et estoient environ XL, et monstrerent bon samblant bon
samblant de iaulx deffendre. Cil baron et chil chevalier, en leur nouvelle chevalerie,
vinrent jusquez a la et environnerent le tour de Flolant et le commenchierent
a asaillir de grant volenté, et cil qui dedens estoient, a eulx deffendre. La eut
fait par assaut tamainte belle apertisse d’armes, et traioient cil dou fort moult
asprement, dont il navrerent et blechierent aucuns des asaillans, qui s’aban
donnoient trop avant. Car il avoient des bons arbalestriers que ly cappi
tainne de Saint Omer, messires Bauduins de le Boure, leur avoit envoiiéz a le re
queste de l’escuier, car bien pensoit que ly Engléz passeroient devant sa
maison, se le voloit tenir et garder a son pooir, enssi que il fist, car il
se porta vaillanment. Englés asailloient, et chil dedens se deffendoient
moult aigrement. La dist une parolle li contez de Douvesciere, qui estoit sus lez fosséz,
sa baniere en present que ce jour avoit premierement mis hors, qui moult
encoraga les compaignons: "Et comment, signeur, en nostre nouvelle chevalerie
nous tenra meshuy chils coulombiers! Bien nous deveroient tenir ly fort
chastel et lez fortez placez qui sont ou roiaulme de Franche, quant une telle
platte maison nous tient. Avant ! avant ! monstrons chevalerie."

Quant ly contez
eut dit ceste parolle, bien le notterent cil qui l’entendirent, et se vaurent
mains espargnier que devant, et entrerent tout abandonneement ens es
fosséz, et passerent ly aucun sus pavais, affin que la bourbe ne les engloute
sist, et vinrent jusquez au mur. Et la traioient archier si ouniement que
a painnez se ossoit nulz amons

trer as deffense. Sy en y ot dou trait des
archiers pluiseurs blechiéz et navréz. La basse cours fu prise et arsse, et ly tours
fort asaillie. Finablement, il furent tout pris, mais moult vaillant se
vendirent, ne il n’i eut onquez homme qui ne fust bleschiéz. Enssi fu la mai
sons de Flolant prise, et Robert Flolant dedens et prisonniers au conte
de Douvesciere, et ly autre a sez gens. Et toute ly hos se loga sus le riviere
de Hosque, en attendant messire Guillaume de Widesore, qui menoit l’arierre
garde, qui point n’estoit encorez venus, mais il vint che soir. Et a l’endemain
se deslogierent tout ensamble, et partirent en ordenance et cheminerent ce
jour jusquez a Esprelesque, et la se logierent. La cappitainne de Saint Omer,
qui sentoit les Engléz si priéz de ly, renforcha les gais et fist toute la nuit
villier plus de II M hommez, par quoy la ville de Saint Omer ne fust soupb 40 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.