The Online Froissart

Facsimile mode Settings Browse | Collate

pb 41 r
et li contez de Bouquighem et toute ly hoos chevauchierent leur chemin, et pas
serent devant Lillers, et vinrent che jour logier a Bruais léz bi Buissiere. Si
se tinrent tout aise de che qu’il avoient. Et tous les jours les poursieuoient
ly sirez de Saintpi et li sirez de Fransurez et leurs routez, mais toutez les
nuis il gissoient en villez fremeez.
SHF 2-146 sync Quant che vint au matin, dont la nuit toute li hoos avoit jeu a Bruay,
il se leverent et aparillierent. Si sonnerent leurs trompetez de departement,
si s’arouterent sus les camps et chevauchierent vers Bethune. En la ville
de Bethune avoit grant garnison de gens d’armez, chevaliers et escuiers, que
li sirez de Couchi, qui se tenoit a Arras, y avoit envoiiéz, tels que le seigneur
de Hanget, messire Jehan et messire Tristram de Roie, messire Joffroy de Cargni,
messire Guy de

Honcourt et moult d’autrez. Sy passa toute ly hoos dez Engléz
a le veue de Bethune a heure de tierce tout oultre, onquez ne fissent samblant
d’assaillir, et vinrent gesir as Auchiere. A heure de vespres, vinrent ly sirez
de Saintpi et li sirez de Fransurez, et se bouterent en Bethune, et a l’ende
main bien matin il s’en partirent et chevauchierent vers Arras. Et la
trouverent le signeur de Couchi, qui les rechut liement et leur demanda
des nouvellez et quel chemin li Engléz tenoient. Ly chevalier l’en respondi
rent ce qu’il en savoient et que il avoient jeu a Sauchierez et che
vauchoient trop sagement, car point ne se desroutoient, mais se
tenoient toudis ensamble. Dont dist li sirez de Couchi: "Il

cheminent
par l’apparant enssi que gens qui demandent la bataille, se l’aront, se ly
rois, nos sirez, me voelt croire, anchois que il aient paracompli leur
voiage." Enssi dissoit ly sirez de Couchi. Et li contez de Bouquighem et
toute ly hoos cheminerent che jour, depuis que il furent party de
Sauchierez, et passerent au dehors d’Arras moult arrement en ordenance
de bataille, banierez et pennons ventelans, et tant que cil qui estoient
monté es portez et es clochiers, lez pooient bien avisser. Si passerent
che jour tout oultre sans riens faire, et vinrent logier a Avés, et
l’endemain a Miraumont, et puis a Clari sus Somme, car il poursieuoient
lez rivierez. Quant li sirez de Couchi, qui se tenoit a Arras, entendy que
il prendroient che chemin, si envoiia le signeur de Hangiet a Bray
sus Somme, et en sa compaignie XXX lancez, chevaliers et escuiers, et a Pieronne
messire Jaqueme de Wer

chin, senescal de Haynnau, et le signeur de
Haverech et messire Jehan de Roie, messire Gerart de Markeliez et des
aultrez chevaliers et escuiers dou païs la environ. Et il s’en ala vers Saint pb 41 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.