Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Leiden VGGF 9 (vol. 2)
Previous | Folio 42 r | Next
pb 42 r
de Couchi estoit a Pieronne et aroit bien mille lanchez, chevaliers et escuiers. Se
ne savoient se il les voldroient combatre.
SHF 2-148 sync Che propre jour que on fist la monstre, se bouterent hors de l’oost avoecq
les fourageurs et de l’avantgarde ly sirez de Vertaing et Fierabras
ly bastars, sez frerez, messires Yon Fil Warin et pluiseur autre, et s’en vinrent
courir jusquez au Mont Saint Quentin. Et la se tinrent en enbusce, car
bien savoient que en Pieronne, qui estoit droit dallés, estoient li senescaulx
de Haynnau, ly sirez de Haverech et grant gent d’armez, chevaliers et escuiers, dou
païs. Et sentoient le jone senescal de Haynnau de grant volenté et outrequi
diet, si esperoient bien que il isteroit hors, enssi qu’il fist. Chil de l’avant
garde envoiierent courir X hommez d’armez devant Peronne, Thiery de Sou
maing, le bastart de Vertaing, Hugekin de Cavrelee, Hopekin Hay et des
aultrez, li quel, monté sus fleurs de coursiers, s’en vinrent a l’esperon jusques
as barrieres de Pieronne. Li senescaulx de Haynnau et sez gens, qui la se ten
oient, estoient tout apparilliet, et fissent ouvrir les barrierez, et estoient bien
L lancez, et quidierent ces compaignons coureurs atrapper, car il se missent
en cache sus les camps apriés iaulx, et cil a fuir vers leur enbusque, et
iaulx aprés. La chevauçoit ly senescaulx de Haynnau, son pennon devant luy,
montéz sus fleur de coursier. Quant cil de l’embusque veirent comment
ly François cachoient, si en furent tout resjoy et descouvrirent leur en
busque. Mais che fu un peu trop tempre, car, quant li senescaulx de Hayn
nau, ly sirez de Haverech et ly autre lez veirent venir et une grosse route,
et tous bien montéz, il jeuerent de le retraite. Et la sceurent cheval que
esperon valloient, car, quanque il pooient estekier, il ne cesserent
jusquez il furent sus le cauchie, et trouverent bien a point ly signeur les
barierez ouvertez. Toutefois il furent de si priéz poursieuoit que il
convint demorer prisonniers deviers les Engléz des gens le senescal, messire
Gerart de Marquilliez, messire Loÿs de Vertaing, cousin au signeur de Vertaing
qui la estoit, Houart de le Houarderie, Boulhart de Saint Ylaire et bien X
hommez d’armez, et tout ly autre se sauverent. Quant ly Engléz sceurent que
ly senescaulx de Haynnau, ly sirez de Haverech, ly sirez de Clari, messires Robers
de Cleremont, ly sirez de Saint Digier et bien XX chevaliers avoient esté sus
les camps et tout s’estoient sauvet, si dissent: "Dieux ! quel rencontre! Se
nous lez euissons tenus, il nous euissent paiiet XL mille mille frans!" Si retour
nerent chil fourageur en l’oost, et n’i eut plus riens fait pour l’eure ne
pour le journee. pb 42 v