The Online Froissart

Facsimile mode Settings Browse | Collate

pb 42 v
SHF 2-149 sync Trois jours fu ly hoos a Clari sus Somme, et la environ. Au quatrime, il
se partirent, et s’en vinrent logier en l’abbeie de Vaucellez, a trois petitez
lieuez de Cambray. Et l’endemain il s’en partirent et chevauchierent vers
Saint Quentin, et fist ce jour moult bel. On dist, et voirs est, que ly pre
mier chevauchant ont toudis lez aventurez soit a perte ou a gaaing. Je
le di pour ceulz de l’avantgarde qui chevauchoient avoecquez lez four
ageurs. Che propre jour, chevauchoient les gens le duc de Bourgongne,
environ XXX lancez, et venoient d’Arras a Saint Quentin, car la estoit
li dus de Bourgongne. Messires Thumas Trivéz, messires Yon Fil Warin, ly sirez de
Vertaing, messires Guillaume Clinton, qui estoient a l’avantgarde et avoec les
fourageurs, enssi que il venoient a Farvakez pour prendre les logeis, il
encontrerent ces Bourgignons. La convint il avoir hustin, et y ot bataille,
mais elle ne dura point longuement, car cil Bourgignon furent tantos
esparpilliet, ly uns cha et ly autrez la, et se sauva qui sauver se peut.
Toutezfois messires Jehans de Mornay ne se sauva pas, mais demora sus
la place en bon convenant, son pennon devant luy, et se combaty ce que
durer pot, moult vaillanment. Mais finablement il fu pris et X hommez
d’armez en se com

paignie. Et soupperent celle nuit ens es logeis dez
compaignons a Foursome, a II lieuwez de Saint Quentin ou li avant
garde se loga. Et il quidoient, au disner, soupper a Saint Quentin. Enssy
va des aventurez.

SHF 2-150 sync A l’endemain au matin, quant li contez de Bouquighem et li signeur
orent oy la messe en l’abbeie de Farvacquez, et il eurent mengié et
beu I cop, il s’ordonnerent et apparillierent, et missent au chemin pour
venir vers Saint Quentin, en la quelle ville avoit grant gent d’armez, mais
point n’issirent. Si y eut aucuns coureurs engléz qui allerent courir jusques
as barrierez et escarmuchier a eulx, mais tantos s’en partirent, car
toute ly hoos passa oultre sans arrester, et vint che jour logier a Oregni
Sainte Benoite et ens es villagez d’environ. En la ville d’Oregni a une
moult belle abbeie de damez, et pour ce tamps en estoit abbesse la
ante le signeur de Vertaing, qui estoit en l’avantgarde. A la priiere
de ly, l’abbeie et toute la ville furent sauveez d’ardoir et de pillier.
Et se loga ly contez en l’abbeie, mais che soir et toute la nuit en
sieuant il y ot a Ribeumont, qui est moult priéz de la, grant escarmuce
d’Engléz et de François. Et en y ot dez mors et des blechiéz, de une
part et d’autre. Au matin, on se desloga de Orgni, et s’en vint ly pb 43 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.