The Online Froissart

Facsimile mode Settings Browse | Collate

pb 48 r
toutez leurs francissez jurees et renouveller en tout bien, se il besongnoit. Quant
ces parollez et offrez que ly rois de Franche offroit et presentoit a ciaulx de Nantez,
furent leuez et entenduez, si regarderent sus, et dissent bien ly plus notable
de la ville que ly rois de Franche avoit droit et cause de remonstrer tout ce
que il dissoit, et que voirement avoient il juret, proumis et escript et scellé
que ja ne seroient ennemy au roy de Franche ne

aidant a ses ennemis. Si cou
menchierent a estre sus leur garde et renvoiierent secretement deviers le roy
de Franche que de ce il ne s’en sousiast en riens, car ja les Engléz a main
armee, pour grever ne guerriier le roiaulme de Franche, il ne metteroient
ne soustenroient en leur ville, mais il voloient, se il besongnoit, estre
aidiet et conforté des gens le roy, et a ceulx il ouveroient leur ville, et
as aultrez non. Ly rois de Franche, qui ooit tous ces tretiéz, s’en tenoit bien a
leur parolle, car voirement en Nantez ont il tousjours esté bon et loial
François. Et de tout ce ne savoit encorez riens ly dus de Bretaigne, qui se
tenoit a Vennez, mais quidoit bien que cil de Nantez deuissent demorer
dalléz ly et ouvrir leur ville as Engléz, quant il venroient. Or retournons as
Englés qui estoient logiet asséz priéz de Sens en Bourgongne, en la quelle
citté, pour la doutance de eulx, avoit grant garnisson de gens d’armez. Et s’i
tenoit ly dus de Bar, ly sirez de Couchi, ly sirez de Saintpi et ly sirez de
Fransurez et leurs routes.
SHF 2-159 sync R. Quant ly contez de Bouquighem et leurs routez se furent repossé et ra
fresqui a Mailliers le Visconte assés priéz de

Sens en Bourgongne, il eurent
conseil dou deslogier et de eulx traire en ce bon païs et cras de Gastinois. Si
se deslogierent I merquedi au matin, et che jour il passerent au pont
deseure Sens la riviere d’Yone, et vinrent ce jour logier a Jenon a une lieue
de Sens. Et vinrent leur fourageur courir jusquez ens es fourbours de Sens,
et puis s’en retournerent, ne il n’i ot fait nul esploit d’armez

che jour ne
le soir ensieuant, qui face a ramentevoir. A l’endemain, il se deslogierent
et vinrent logier a Saint Jehan de Nemoussez et la environ, et l’autre jour
apriéz a Biane en Gastinois, et l’autre jour a Peuviers en Gastinois. Et demora
l’oost la trois jours pour le bon païs et cras que il trouverent. Et eurent
la conseil ensamble quel chemin il tenroient, ou la plainne Biause, ou
se il sieuroient la riviere de Loire, consillié fu que il chevaucheroient la
Biausse. Si se deslogierent de Peuviers au quatrime jour, et chevauchierent
vers Tori en Biause. Ens ou castiel de Thory estoient ly sirez de Saintpy,
messires Oliviers de Mauny, messires Guis ly Baveus et grant fuisson de gens pb 48 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.