The Online Froissart

Facsimile mode Settings Browse | Collate

pb 49 r
sachiéz que il fu moult regar

dés des Engléz, quant il issi hors. Et ly tenoi
ent celle emprisse a grant outrage, car il ne quidoient miez que nuls
François cors a cors se osast combatre. Encorez en ceste emprise y avoit
trois cops d’espee, et toutez trois Gauwains les fist porter avoecquez ly,
pour l’aventure dou brissier.
SHF 2-160 sync Li contez de Bouquighem, qui estoit ja a son logeis, fu enfourmés par
les hiraus de ceste ahatie, si dist qu’il le volloit veoir et monta
a cheval, le conte d’Askesufort et le conte de Douvesciere dalléz ly. Et par ceste
ahatie cessa ly assaulx a Thori, et se retraissent li Engléz pour veoir
le jouste. Quant li contez de Bouquighem et ly signeur furent la venu,
on fist venir avant l’Englés qui devoit jouster, qui s’appelloit Janekins
Cator, arméz de toutez piechez et montéz sus I bon cheval. Quant
il furent en la place ou ly jouste devoit estre, tout se rengierent de
une part et d’autre, et leur fist on voie, et leur bailla on cascun sa lance
bien enfieree. Il se joindirent en leurs targez et abaissierent leurs
lancez et esperonnerent les chevaulx, et vinrent l’un sus l’autre, au plus
droit que il peurent, sans iaulx espargnier au samblant que il monst
roient. Ceste premiere jouste, il faillirent par le desroiement de lors chevaulx.
A la seconde jouste, il se consieuirent, mais che fu en vuidant. Adonc dist
ly contez de Bouquighem pour

tant que il estoit sus le plus tart: "Hola !
ho !" Et dist au connestable, le signeur Latinier, et au mareschal: "Faictez les
cesser, il en ont fait assés meshuy. Nous leur ferons faire et acomplir
leur emprisse d’aultre part, a plus grant

loisir que nous n’aions orez, et
gardéz bien que ly escuiers françois n’ait nulle faute que il ne soit
ossi bien gardéz que li nostrez. Et dictez ou faitez dire a ceulx dou castiel
que il ne soient en nul soussy de leur homme, et que nous l’enmenons
avoecquez nous pour parfurnir son emprise, non pas comme prison
nier, et, li delivré, se il en puet escaper vifs, nous leur renvoierons
sans nul peril." La parolle dou conte fu acomplie, et fu dit a l’escuier fran
çois dou mareschal: "François, vous chevaucheréz avoecquez nous sans
peril. Et, quant il plaira a monsigneur, on vous delivera." Gauwains dist: "Dieux
y ait part !" Tantos fu tart, on ala soupper. On envoiia I hiraut a chiaulx
dou castiel, qui leur dist lez parollez que vous avéz oiez. Enssi se porta ceste
journee, ne il n’y ot plus riens fait.
SHF 2-161 sync A l’endemain, on sonna moult matin les tromppetez de deslogement, si se
misent en arroy et au chemin toutez manierez de gens, et chevauchierent pb 49 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.