The Online Froissart

Facsimile mode Settings Browse | Collate

pb 50 v
qui tout s’estoient obligiet au bien deffendre et garder le lieu, se il estoient asailly.
Et lez vint veoir li sirez de Fil Watier, mareschaulx de l’ost, et sa route, non
pour asaillir, mais pour

parler au chevalier a la barriere, car bien le connissoit, car
il s’estoient veü tout doy en Prusse. Ly sirez de Fil Watier se fist connissablez
au signeur de Vievi et li pria que il ly envoiiast de son vin par sa courtoisie.
Et toute sa terre en seroit respitee de non ardoir et de estre courue. Ly sires
de Vievi l’en envoiia bien et largement, et XXX blancez micez avoecq, dont
ly sirez de Fil Watier ly sceut grant gret et li tint bien son convenant.
SHF 2-164 sync A l’endemain dou jour Nostre Dame, on fist armer Gauwain Micaille
et Janekin Kator et monter sur leurs chevaulx, pour parfaire devant
les signeurs leur ahatie. Si s’encontrerent de fiers de glavez moult roidement
et jousta li escuiers françois a la plaissance dou conte moult bien. Et li Engléz
le feri trop bas en la quisse, tant que il li bouta son fier de glave tout
oultre le quisse, de ce que il le prist si bas, fu li contez de Bouquighem tous
courouchiéz, ossi furent li signeur, et dissent que c’estoit mal honnera
blement jousté. Depuis furent ferut ly troy cop d’espee, et fery cascuns
les siens. Adonc dist li contez que il en avoient assés fait, et voloit
que il n’en fesissent plus, car il veoit l’escuier françois fort sanner.

A ceste ordenance se tinrent tout ly signeur. Si fu Gauwains Micaille
desarméz et remuéz et mis a point. Et li envoiia li contez de Bouquighem
par I hiraut en son logeis C frans, et ly donnoit congiet de retraire sain
nement deviers ses gens, et li mandoit que il s’estoit bien acquitéz.
Si s’en retourna Micaille deviers les signeurs de Franche, qui se tenoient amassé
sus le païs en pluiseurs lieus. Et ly Engléz se departirent de Marcheaunoy et
prissent le chemin de Vendome, mais avant il se logierent en la forrest
dou Coulembier.

SHF 2-165 sync Vous savéz comment ly rois Charlez de Franche, qui se tenoit a Paris, trai
toit quoiement et secretement deviers lez bonnez villez de Bretaigne
a le fin que il ne se vosissent miez ouvrir pour requellier les Engléz, et
la ou il le feroient, il se fourferoient trop grandement, et seroit cils
fourfais impardonnablez. Chil de Nantez, qui est la clef des cittéz et
bonnez villez de Bretaigne, ly remanderent secretement que il n’en fust
en nulle doubte, que ossi ne feroient il, quel samblant ne quel tretiet
que il euissent envers leur signeur. Mais il voloient, se ly Engléz apro
choient, que on leur envoiiast gens d’armez, tant que pour bien tenir et
garder la ville et les bonnez gens contre leurs ennemis. De che faire estoit pb 51 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.