The Online Froissart

Facsimile mode Settings Browse | Collate

pb 52 r
et a deffendre contre mez ennemis mon roiaulme. Et faittez le signeur de Cliçon con
nestable de Franche, car, tout consideré, je n’i say nul propise de li. Enqueréz pour
le mariage de Charle, mon fil, en Allemaigne, par quoi les aliancez y soient plus
fortez. Vous avéz entendu comment nostre aversaire s’i doit et voelt mariier,
ce est tout pour avoir plus d’alliancez. De ces aidez dou roiaulme de Franche,
dont lez povrez gens sont tant travilliet et grevéz, uséz ent a vostre consience, et
lez hostéz dou plus tost que vous

poés, car che sont cosez, quoi que je lez aie
soustenuez, qui moult me grevent et poissent en corage. Més les grandes
guerrez et les grans aliancez que nous avons eu a tous lés, pour la cause
de ce pour avoir le misse, m’y ont fait entendre." Pluiseur parollez tellez et aultrez,
lez quelle je ne peusse pas toutez oir ne savoir, remonstra ly rois Charllez
de Franche a sez frerez, present Carle le dauffin, son fil, et le duc d’Ango absent.
Car bien volloit li rois de Franche que li autre s’ensonniaissent en chief des be
songnez dou roiaulme de Franche et li dus d’Ango, ses frerez, en fust assentéz,
car il le doubtoit mervilleusement, et convoiteux le sentoit, se resongnoit
che peril. Mais, quoi que li rois de Franche le absentast ou lit de le mort et
eslongast des besongnez de Franche, ly dus d’Ango ne s’en absenta ne eslonga
pas trop, car il avoit mesagiers allans et venans toudis songneusement
entre Angiers et Paris, qui li ra

portoient le certainneté dou roy. Et avoit ly dus
d’Ango gens secretairez le roy, par lez quelz, de jour en jour, il savoit tout son
estat. Et au destroit jour que ly rois de Franche trespassa de che siecle, il estoit
a Paris et assés priéz de sa cambre et y entendy pour ly, enssi que vous oréz
temprement recorder. Mais nous poursieurons la matere des Englois, et
recorderons petit a petit comment il cheminerent et quel chemin il tinrent
et fissent, anschois que il venissent en Bretaigne.
SHF 2-166 sync Quant li contez de Bouquighem et toutez sez routez se departirent de la
forrest de Marceaunoy, en la conté de

Blois, il cheminerent vers Ven
dosme et vers le foriest dou Coulembier. Et estoient cil de l’avantgarde
trop courouchié de ce que il ne trouvoient mais nullez aventurez. Che
propre jour que il se deslogierent de la foriest dou Colombier et que il
chevauchoient priéz de Vendome, ly avantgarde chevauchoit tout de
vant, enssi que raissons est. Si chevauchoient ensamble messires Thumas Trivéz
et messires Guillaumez Clinthon, environ XL lancez. Si encontrerent sus leur che
min d’aventure le signeur de Hangiez qui s’en venoit a Vendome et avoit
en sa route environ XXX lancez. Ly Engléz congneurent tantos que ce
estoient François, sy esperonnerent caudement sus yaulx et abaissierent pb 52 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.