The Online Froissart

Facsimile mode Settings Browse | Collate

pb 61 r
de l’oost, et s’en ralla cascuns en son logeis, mes pour ce ne rompirent
il miez leur gait, anchois gaitierent il plus fort que devant. Le jour
dou Noel n’i ot riens fait ne toutez les festes, si n’atendoient ly Engléz
autre cose tous les soirs a estre resvilliet. Et ce qui plus leur touchoit
et faisoit d’anois c’estoit ce que il n’ooient nullez nouvellez dou
duck de Bretaigne, et leur estoient vivrez et fouragez si destroit que
a painnez en pooient il recouvrer. Mais cil de dedens en avoient asséz,
qui leur venoient d’autre part la riviere de Loire, de ces bons païs
de Poito, de Saintonge et de La Rocelle.
SHF 2-182 sync Quant li contez de Bouquighem et li Englés eurent esté a siege de
vant la citté de Nantez II mois et quatre jours, et il

veirent
que il n’en aroient autre cose et que li dus de Bretaigne ne tenoit nullez
de ses convenancez, car il ne venoit ne n’envoioit deviers eulx, si
eurent conseil que ilz se deslogeroient de la, car riens n’i faissoient,
et se trairoient deviers Vennez, et s’en iroient tout ensamble parler
au duck, et voldroient a celle fois savoir son entente. Adont fu sceu
et nonchiet parmy l’ost au deslogier, si se deslogierent a l’endemain de
l’An Renoef, et chevauchierent en bataille et en ordenance, tout enssi
que il avoient fait parmy le roiaulme de Franche, et vinrent a leur de
partement de Nantez che jour logier a Nord, et furent la pour eulx
rafresquir trois jours. Au IIIIe jour, il se departirent et vinrent a M
aide, et a l’endemain a

Tillay, et a l’autre jour apriéz a Bain, et la
demorerent trois jours pour le pont qui estoit rompus. Si eurent
moult de mal au refaire, pour passer oultre et leur carroy, toutez
fois ly pons fu refais bons et fors, et passa l’oost la riviere de Vol
lain, et fu par I samedy, et vint logier a Lohiac, et la demora l’oost
deus jours. Et l’endemain, quant il se departirent de Lohiac, il
vinrent logier a Gors, et la demora l’oost deus jours, et l’endemain
au Maron, et la demora l’oost deus, et a l’endemain a la Trenitté.
Au departement de la Trenitté, il passerent la riviere d’Aust au pont
de Brehaing, et la demora oultre l’aige sus les plains ly host ce
jour que il eurent passet la riviere. Cil de la citté de Vennez esto
ient tout enfourmé par ceulx dou païs, que ly contez de Bouquighem
et ly Engléz venoient celle part, et estoit leur entention que de lo
gier en la ville, si ne savoient comment il s’en cheviroient dou lais
sier en leur citté ou non, et vinrent deviers le duch

qui estoit en pb 61 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.