pb 61 v
Hainbon. Mais ce jour que il venoient vers li, il encontrerent le duch sus lez
camps, enssi que a II petitez lieuwez de Vennez, qui venoit celle part. Quant
ly dus de Bretaigne vei sez bonnez gens de Vennez, il lez conjoÿ et leur deman
da dez nouvellez et ou il alloient. "Monsigneur, dez nouvellez vous dirons asséz.
Vechi le conte de Bouquighem et toute l’oost dez Engléz qui viennent celle part,
et est leur entencion, si comme nous sommez enfourmé, que de logier en vostre
ville de Vennez. Si regardéz que vous en volléz faire, car sans vostre mande
ment nous n’en ferons noient, et ja ont il refait le pont a Brehain, que on
avoit romput sus la riviere de Aust." Quant li dus oÿ cez parollez, il penssa I
petit, et puis respondy: "Dieux i ait part! Ne vous effraéz ne soussiéz de riens.
Lez cosez venront a bien, che sont gens qui ne vous voellent nul mal. Je suy
en aucunez cosez tenus envers yaulx, et ai tretiéz a eulx, lez quelz il fault
que je porte oultre et que je m’en acquite. Se m’en vois a Vennez, et demain
je croy bien que il venront. Je isteray contre le conte, mon frere, et li feray
toute l’onneur que je porray, car voir je y suy tenus. Dou sourplus vous
ferés enssi que je vous consilleray, vous ly offeréz et presenteréz lez clefs
de la ville, et li diréz que vous et la ville iestez tout rebrachiet et aparilliet
de l’y rechepvoir, sauf tant que vous li feréz jurer que, XV jours aprés ce
que il en sera requis dou partir, il partira et vous rendera lez clefs de la ville,
c’est tous li consaulx que je vous donne." Ly bourgois de Vennez, qui chevau
choient dalléz le duc, respondirent enssi et dissent: "Monsigneur, nous ferons a
vostre ordenance." Depuis chevauchierent ilz tout ensamble jusqu’a Vennez,
et la se loga ly dus celle nuit, et ly Engléz s’en vinrent logier a Saint Jehan,
I village seant a deus petitez lieuez de Vennez. Che soir rechut lettres ly contez
de Bouquighem dou duch qui ly escripsoit comme a son chier frere, et ly man
doit que ilz estoit ly bienvenus en la marce de Vennez. A l’endemain, quant
ly contez eut oy messe et beu I cop, il monta a cheval, et tout monterent
sez gens, et chevauchierent moult ordonneement deviers la citté de Vennez, l’a
vantgarde premiers, le conte de Bouquighem apriéz en sa bataille, et l’arie
rregarde ensieuant la bataille dou conte. Enssi lez encontra ly dus de Bretai
gne qui issi de Vennez a l’encontre de eulx bien une grant lieue. Et, quant
ilz et li contez s’encontrerent, ilz se fissent grant honneur. Apriéz ces re
quelloitez, qui furent moult honnerablez, et en chevauchant l’un dalléz l’autre,
le conte a destre et le duch a senestre, ly contez de Bouquighem entra en parollez,
et dist: "Sainte Marie ! Biaux frere de Bretaigne, que nous vous avons tant
attendu devant Nantez, la estant au siege, enssi que ordenance se portoit pb 62 r