pb 67 r
contez, qui ne voloit plus avoir de parlement au duc de Bretaigne, dist: "Tirés
les ancrez amont, avalléz le cable, et partons nous." Tantos fu fait et dezancré.
Adont se departirent ly Engléz dou havene de Vennez, et singlerent vers En
gletiere. Ossi fissent chil des autrez havenez et pors, tout se remissent sus le
mer ensamble. Or parlerons nous d’aucuns chevaliers et escuiers qui retourne
rent par tiere a Chierebourc et recorderons quel cose leur avint sur leur
chemin par tiere.
SHF 2-191 sync Li connestablez de Franche, qui pour che tamps se tenoit au Chastiel Josselin
a VII lieuwez priéz de Vennez, avoit donné saufconduit de aller leur chemin
deboinairement aucuns chevaliers engléz et navarois de la garnisson de Chierebourc,
qui avoient en che voiage servi le conte de Bouquighem, entre lez quelz messires
Yon Filz Warin, messires Guillaumez Clinton et messires Jehans Burlé estoient. Et se
partirent chil de Vennez et prissent le chemin de Castiel Josselin, car c’estoit
leur voie, et vinrent la, et se logierent en la ville au dehors dou castiel, et ne
quidoient ne voloient fors que disner, et tantos partir. Quant il furent
descendu a leur hostel, enssi que gens passans qui se voloient delivrer, ly com
paignon dou castiel, chevalier et escuier, lez vinrent veoir, enssi que gens d’ar
mez s’entrevoient volentiers, especiaulment François et Engléz. Entre lez
François avoit I escuier, bon homme d’armez et renommé, ly quelz estoit
a monsigneur Jehan de Bourbon, le conte de le Marce, et le plus prochain que il euist
et de ses escuiers que il amoit le mieulx, et s’appelloit cilz Jehans Boucinel.
Chils escuiers avoit dou tamps passé esté en garnisson en Avalongne
avoecquez messire Guillaume dez Bordez et lez Franchois a l’encontre de Chierebourc,
et avoit eu de ce tamps parollez de fait d’armez par pluiseurs fois a I escuier
engléz qui la estoit, qui s’apelloit Nicolas Cliffort. Quant cil chevalier et escuier
françois furent venu au bourc bas a l’ostel ou cil Engléz estoient, et que
il eurent parlé ensamble et regardé et avissé l’un l’autre, Jehans Bour
cinel commencha a parler et dist a Nicollas Cliffort: "Nicollaz, Nicollas,
par pluiseurs fois nous sommez nous heriiet et devisset a faire fait d’armez,
et point ne nous sommez nous trouvé en place, ou nous le puissons
faire. Or sommez nous maintenant chi dalléz monsigneur le connestable et
les signeurs, si les ferons tant seullement, et je vous en requier de
trois pous de lanche." Nicollas respondy a celle parolle, et dist: "Jehan,
vous savéz que nous sommez enssi que pelerin sus nostre chemin, ou
saufconduit de monsigneur le connestable, et que ce que vous me requeréz
ne se puet faire maintenant, car je ne suy pas chiéz dou saufpb 67 v