The Online Froissart

Facsimile mode Settings Browse | Collate

pb 72 v
fu damagez, et retournerent cil qui la furent envoiiet sans riens faire. Enssi se
porterent ly Gantois vaillanment.
SHF 2-199 sync Le siege estant devant Gaind par la maniere que li contez l’avoit assis, i eut
fait pluiseurs escarmucez autour de la ville. Car li sirez d’Enghien et li senescaux
de Haynnau et li Haze de Flandrez en trouvoient a le fois a descouviert, dont
il ne prendoient nullea raenchons, et a le fois il estoient rebouté si dur que il
n’avoient miez loissir de regarder deriere iaulx. Adont se requeillierent en le
ville de Gaind eulz siis mille de compaignons moult aidablez, et eurent
Rasse de Harselle, Ernoul Clerc et Jehan de Launoit a cappitainnez, et se par
tirent de Gaind sans le dangier de l’oost et cheminerent vers Alos, qui lors
estoit une ville bonne et bien fremee. Et y avoit li contez mis en garnisson
pluiseurs chevaliers et escuiers. Mais, quant cil de Gaind y furent venu, il s’i porterent
si vaillanment que par assault il le conquissent, et convint messires Loeis de Marbais,
messires Godefrois de la Tour et messires Phelippre le Jovene et pluiseurs autrez

chevaliers
et escuiers partir et vuidier hors par la Porte de Brousellez, autrement il euissent
esté mort. Et fu adont par les Gantois Alos toute arsse, portez et tout, et y
conquissent moult grant pillage, et

de la il vinrent devant Tenremonde
qui est forte ville, mais adont par assaut il le conquissent, et y fu mors messires
Phelipprez de Maminez, et furent li Gantois signeur de la ville et non pas dou
castiel. Car ly sirez de Widescot le tint vaillanment avoecquez ses compaignons
contre eulx. Et de la vinrent ly Gantois devant Granmont, qui s’estoit nou
vellement tournee deviers le conte, par l’effort et tretiet dou signeur d’Engh
ien. Ne sçai se il y eut traisson ou autre cose, mais adont ly Gantois y entre
rent de force, et en y ot de ceulx dedens moult de mors, et, quant il eurent
fait cez voiagez, il s’en retournerent en Gaind a tout grant butinage et
grant pourfit.
SHF 2-200 sync Quant li contes de Flandrez vei que il perdoit son tamps a seoir devant
Gaind, et quoique il seist la a grant frait et a grant painne pour ly
et pour sez gens, cil de Gaind ne laissoient miez a issir ne a ardoir le païs,
et avoient conquis Alos, Tenremonde et Granmont, si eut conseil que il se
partiroit de la. Car ly yviers aproçoit, si se departy et si renvoiia ses gens en
leurs maissons rafresquir, et envoiia le signeur d’Enghien et le signeur
de Montegni en Audenarde en garnisson, et avoient sans les gens d’armez
CC bons archiers d’Engletiere, dont on faissoit grant compte. Et ly contez
s’en vint a Brugez, si fissent cil signeur, qui en Audenarde se tenoient, pluiseurs pb 73 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.