The Online Froissart

Facsimile mode Settings Browse | Collate

pb 75 v
mal s’en estoit acquitéz, quant il n’avoit estet a le bataille, qui avoit VI ou sept
mille hommez tous arméz, et eurent adont ly Gantois, qui en la ville estoient
et qui le gouvrenement en avoient, en pourpos que, che Pietre lui revenu, il
l’ochiroient,

et puis au conte leur signeur s’apointeroient et accorderoient, et
se meteroient dou tout en sa merchi. Je croy que, se il euissent enssy fait, il eussent
bien ouvret et fuissent legierement venut a pais, mais point ne le fissent,
dont il le comparerent depuis, et ossi fist toutez Flandrez, ne encorez n’estoit
point la cose a che jour la ou elle devoit estre ne ly grans maus de Flandrez de
Flandrez sanchiéz, enssi comme il fu depuis et si com je vous recorderay avant
en l’istoire. Prés la desconfiture dez Gantois, qui furent pour che jour mort
et desconfit a Nieule, et Rassez de Herselle et Jehans de Launoit mort, ly contez
de Flandrez entendy que Pietrez dou Bos et une bataille de Gantois estoient
sur lez camps et s’en raloient a Gaind. Adont s’arresta ly contez et demanda con
seil a sez chevaliers se on lez yroit combatre. On li respondy en conseil que pour ce
jour on en avoit asséz fait et que sez gens estoient tout lassé, et lez conve
noit reposser. "Mais, sire, che seroit bon que de VC ou VIC hommez d’armez, tous
bien monté, vous les fesissiéz poursieuir, pour savoir leur convenant. Il po
roient bien che soir gesir en tel lieu que nous seriens a leur logement." Ly
contez s’enclina a ce conseil et fist enssi, tantost furent ordonné cil qui sero
ient en ceste chevauchie. Et en fu li sirez d’Enghien menerez et souverains.
Sy monterent environ VC lancez as

chevaulx et se departirent de Nieulle
et dou conte, et prissent les camps, et chevauchierent a le couverte pour veoir
lez Gantois. Et tant alerent que il lez veirent avaler I tierne, et estoient
tout serré et en bon convenant. Et cheminoient le bon pas sans yaulx dez
router. Ly sirez d’Enghien et sa route

lez poursieuoient de loing et sour costé.
Pietrez dou Bos et lez Gantois lez veoient bien, mais nul samblant de yaulx
desrouter ne faissoient. Et dissoit Pietrez dou Bos: "Alons toudis nostre chemin
et le bon pas, et point ne nous desroutons, se il se boutent en nous, nous
lez requellerons. Mais je croy bien que il n’en ont nulle vollenté. " Enssy
cheminerent il ly un et ly autre sans rien faire jusquez a Gaind, que ly
sirez d’Enghien retourna deviers le conte, et Pietre dou Bos et ses gens rentre
rent en Gaind. Adont fu Pietrez aquelliéz de plait et sus le point d’estre
la ochis pour la cause de che que il n’avoient autrement confortet Rasse
et leurs gens. Pietrez s’escusa, et de voir, et dist que il avoit bien mandé
a Rasse que nullement il ne se combatesist sans ly. Car ly contez estoit pb 76 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.