Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Leiden VGGF 9 (vol. 2)
Previous | Folio 76 r | Next
pb 76 r
trop poissanment sus lez camps, et il fist tout le contraire: "Se il l’en est
mesavenu, je ne le puis amender. Et sachiéz que je suy ossy dollans de
la mort Rasse que nulz poeut estre. Car la ville de Gaind y a perdu un tres
bon et sage cappitainne. Sy nous en fault requerre un aultre, ou nous
mettre dou tout en la volenté et obeissance dou conte, qui nous fera tous
morir de malle mort. Regardéz le quel vous volléz faire, ou perseverer
en che que vous avéz commenchié, ou mettre en la vollenté et merchi de
monsigneur." Pietrez ne fu adont point respondus, mais tant que de la ba
taille et avenue de Nieulle et de la mort de Rasse il fu excuséz et des
couppéz, dont ce que on ne le respondy point, il se contempta mal, et
sus aucuns grans bourgois qui la present estoient, ly plus riche et ly
plus notable de la ville, tels que sire Ghisebrest Grute et sire Simon Bete,
il n’en fist adont nul samblant, mais il leur remonstra durement
en l’anee, enssi que vous oréz recorder avant en l’istoire.
SHF 2-204 sync Quant li sirez d’Enghien et li sirez de Montegni, ly Hazelez de Flandrez et
leurs routez furent retourné a Nieulle devers le conte, et il eurent
recordé ce que il avoient veü, ly contez se departy de Nieule. Et
s’en retourna vers Brugez, et renoiia ses bonnez villez et ceulx dou Franc, et
le signeur d’Enghien et lez Haynnuiers en garnison en Audenarde. Quant
cil de Gaind entendirent que ly contez estoit retrais en Brugez et que il
avoit donnet congiet toutez ses gens, si se resmurent par l’esmouvement
de Pietre dou Bos, qui leur dist: "Alons devant Courtray et ne nous re
froidons point de faire guerre, monstrons que nous sommez gens de fait
et d’emprise. " Adont se departirent il de Gand plus de XVmille, et
s’en vinrent moult estoffeement devant Courtray. Et y missent siege, le
feste et le pourcession de Brugez seant, l’an mil CCC IIIIXX et I, et fu
rent la X jours, et ardirent tous lez fourbours de Courtray et le paÿs
d’environ. Quant li contez en sot nouvellez, il remanda tous ses
gentilzhommez et ceulz des garnissons et lez communs d’Ippre et dou Franc.
Et se departi de Brugez avoec ceulz de Brugez. Et se trouverent sour les
camps plus de XXV mille. Dont se missent il au chemin pour venir
vers Courtray et combatre lez Gantois et lever le siege. Quant Pietrez
dou Bos et ly Gantois entendirent que ly contez venoit vers eulz sy eff
orchiement, si n’eurent miez conseil que de l’attendre la asegié, et
se departirent et s’en allerent logier a Donze et a Nieulle. Et dissent que pb 76 v