Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Leiden VGGF 9 (vol. 2)
Previous | Folio 77 r | Next
pb 77 r
oient et se mettoient a dense et atendoient leurs gens et leurs valléz, mais
il ne peurent onquez si nettement rentrer en la ville que il n’en y eust
mors et bleciéz plus de LX. Et, quant il eurent faite leur empainte,
Ernoulz Clers retourna che soir a une abbeie priéz de la, que on nomme Eham.
Si trouverent cil Gantois en la ville d’Elham Pierez de Stunehus et le Galois
de Maminez et environ C compaignons de leur route, si assallirent l’abbie
ou il estoient trait, a grant dur se sauva li Gallois de Maminez et se party
par deriere et entra en I batiel. Et s’en vint celle nuit a Audenarde et
compta au signeur d’Enghien, au signeur de Montegni, a messire Daniel de Haluin
et as chevaliers qui la estoient, comment ce soir Ernoulz Clers et li Blanc Cap
pron estoient entré en l’abbeie d’Eham et avoient ochis leurs compai
gnons. Et bien penssoit que Pierez de Stinehus estoit mors, et voirement
le fu il. Car Ernoulz Clers et ses gens le fissent sallir jus de une phene
strez enmy le place, et le requellierent a glavez, et le ochirent, dont che fu
grans damagez.
SHF 2-205 sync Quant li chevalier, qui en Audenarde se tenoient, entendirent que Ernoulx
Clers et li Blanc Cappron environ XIIC, que il avoit adont de sa
carge, estoient aresté a Eham, et mort leurs compaignons et pris l’ab
beie, si en furent moult courouchié, et avisserent que il envoiieroient
celle nuit leurs espiez celle part, pour savoir se a l’endemain ily se
roient trouvet. Enssy comme il l’ordonnerent il le fissent, leurs espiez
raporterent au matin que li Blanc Cappron s’ordonnoient pour demorer
la che jour, dont ly signeur furent resjoy. Adont s’armerent ly sirez
d’Enghien, ly sirez de Montegni, ly sirez de Lens, li sirez de Brifuel, messires
Mikieulx de le Hamaide et plus de C chevaliers et escuiers de Haynnau et
bien otant de Flandrez. Et se departirent de Audenarde environ CCC
lanchez et plus de mille que arbalestriers que gros valléz, et vinrent a
Eham. Quant il deurent aprochier Eham, il envoierent devant messire
Daniel de Haluin a C lancez, pour commenchier le hustin et atraire hors de
l’abbeie Ernoul Clerc, et ossi pour attendre les gros varlléz et arbalestriers
qui venoient tout de piet, et pour eulz mettre en ordenance. Messires Daniel
et li sirez de Disquemue et ly Hasez de Flandrez s’en coururent devant
esperonnant, et entrerent en la place devant l’abbeie d’Eham en escriant:
"Flandrez au lion au bastart !" Cil Gantois ne se donnoient garde de
celle enbusque. Car il estoit encorez assés matin, si n’estoient mies pb 77 v