Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Leiden VGGF 9 (vol. 2)
Previous | Folio 77 v | Next
pb 77 v
tout aparilliet. Nonpourquant chil qui aroient fait le gait le nuit, se missent
ensamble et requellierent et ensonniierent lez chevaliers et leurs gens qui la ve
noient, et entruéz s’armoient ly autre. Avant que Ernoulx Clers peust avoir
remis toutez sez gens ensamble, ly sirez d’Enghien, li sirez de Lens, ly sirez de
Briffuel, ly sirez d’Escornay, ly sirez de Montegni et leur bataille entrerent par par
par derriere en la ville en escriant: "Enghien au signeur !" et se bouterent de grant
volenté en cez Gantois et cez Blans Capprons, qui noient nedurent, mais s’ou
vrirent, et ne tinrent onquez point de conroy ne d’ordonnance. Des XIIC en
y ot bien mors, que la qu’en l’abbeie que sus lez camps, XIC, et y fu ochis Er
noulz Clers en fuiant et ferus de deus pickes tout parmy le cors et la apoiiéz
contre une haie. Aprés ceste desconfiture retournerent ly sirez d’Enghien et li
chevalier en Audenarde. Et tinrent ceste besongne a grant proeche. Et sachiéz
que li contez de Flandrez, qui pour ce tamps se tenoit a Brugez, quant il en
sceut lez nouvellez, en fu grandement resjois, et dist dou signeur d’Enghien: "Par
ma foy, il y a en luy un bon enfant et qui sera encorez vaillant homme." Au voir
dire dou signeur d’Enghien, c’estoit tous li coers dou conte de Flandrez, et ne
l’appelloit miez li contez de Flandrez son cousin, mais son biau fil.
SHF 2-206 sync Quant lez nouvellez furent venuez a Gand que Ernous Clers estoit mors
et leurs gens desconfis, si se commenchierent ly pluiseur a esbahir et a dire
entre yaulx: "Nos besongnez se portent mal, petit a petit, on nous ochist
nos capitainnez et nos gens, nous avons mal exploitié de avoir esmeu
guerre contre no signeur le conte. Car il nous usera tous petit a petit,
a mal nous retoura lez hainez de Gisebrest Mahieu et de Jehan Lion, nous a
vons trop soustenu et eslevé les oppinions de Jehan Lion et de Pietre dou
Bos, il nous ont bouté si avant en ceste guerre et en ceste haine envers le
conte, nostre signeur, que nous n’y poons ne savons trouver voie de merci
ne de pais. Encorez vauroit il mieux que XX ou XXX le comparaissent
que toute la ville." Enssi dissoient ly pluiseur en requoy l’un a l’autre. Car gene
raument n’estoice miez, pour le doubtance des mauvais, qui estoient tout de
une sexte et qui s’eslevoient en poissance de jour en jour, qui en devant esto
ient povre compaignon et sans nulle chavance. Or avoient il or et ar
gent asséz, car, quant il leur en falloit et ilz s’en complaindoient as leurs cap
pitainez, il estoient oy et tantost conforté. Car on avissoit aucuns simplez
hommez et richez en la ville, et leur disoit on: "Aléz, et se ditez a tels et a tele que il
viengnent parler a nous." On lez aloit querre, il venoient, il n’osaissent contrester, pb 78 r