The Online Froissart

Facsimile mode Settings Browse | Collate

pb 7 r
en se compaignie. Sy armerent a Douvrez, et de la y vinrent deviers le jone
roy Richart, qui le rechut a grant joie, et ossi fissent li dus de Lancastre, ly
contez de Cantbrughe et li contez de Bouquighen et li hault baron d’Eng
letiere.
SHF 2-91 sync Vous avéz bien chi dessus oy recorder comment messires Wallerans de Lu
cembourc, ly jonez contez de Saint Pol, fu pris des Englés par bataille
entre le bastide d’Arde et Calais et fu menéz en Engletiere prisonniers
en la volenté dou roy, car ly rois Edouwars d’Engletiere, luy vivant,
l’acata au signeur de Goumigniez, qui avoit esté sez maistrez, car ly
sires de Goumigniez avoit mis sus la chevaucie en la quelle il fu
pris d’un escuier, bon homme d’armez, de la ducé de Guerlez. Sy demora
grant tamps ly jones contez de Saint Pol prisonniers en Engletiere sans
avoir sa delivrance. Bien est veritéz que ly rois d’Engletiere, le Captal de
Bues vivant, le offri pluiseurs fois au roy de Franche et a ses amis pour le dit
Captal, mais li rois Charlez ne ly consaulx de Franche n’y voloient nulle
ment entendre ne

donner pour cange, dont ly rois d’Engletiere avoit eu

grant indinacion. Sy demora la cose longuement en cel estat, et ly jones
contez de Saint prisonniers en Engletiere ens ou biau castel de Widesore,
et avoit si courtoisse prison que il pooit partout aler jeuer et esbatre
et voller des oissaulx environ Widesore, de ce estoit il recreüs sus sa foy. En
ce tamps se tenoit madame la princesse mere dou roy Richart d’Engletere
a Windesore, et sa fille dalléz luy, madame Mehaut, qui estoit la plus
belle dame de toute Engletiere. Ly contez de Saint Pol et celle jone da
me s’enamourerent loiaulment ly uns de l’autre et estoient a le fois en
samble en danses et en carollez et en esbatemens tant que on s’en per
chut. Et s’en descouvry la dame, qui amoit le conte de Saint Pol ardan
ment, a madame sa mere. Sy fu adonc tretiéz uns mariagez entre le conte
et madame Mehaut de Hollandez, et fu mis li contez a finance a VIXX M
frans, des quelz, quant il aroit espousé la dame, on l’en rabateroit LX M,
et les autres LX M il paieroit. Et pour trouver le finance, quant les
convenancez furent prisez entre le conte et la dame, ly rois d’Engletiere
fist grace au conte de Saint Pol de rapaser la mer et de retourner sus
sa foy dedens l’an. Sy vint li contez en Franche veoir le roy et ses amis
et le conte de Flandrez et le duck de Braibant et le duck Aubiert, ses cousins,
qui le conjoirent liement. Ly rois de Franche en cel an fu enfourméz trop pb 7 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.