The Online Froissart

Facsimile mode Settings Browse | Collate

pb 8 r
Guillaumes des Bordez, ly quelz en estoit cappitains, en sa compaignie ly petis senescaus
d’Eu, messires Guillaume Martiel, messires Bracquez de Braisuement, ly sirez de Troei, messires
Perchevaulx d’Ainneval, ly Beguez d’Iveri, messires Lancelos de Lorris et pluiseurs autrez
chevaliers et escuiers. Et soutilloient ces gens d’armez nuit et jour comment il peuissent
adamagier et porter contraire a chiaulx de Chierebourch, dont messires Jehans de
Harleston estoit cappitains. Chil de la garnisson de Chierebourc issoient souvent
hors, quant bon leur sambloit, car il pooient, et pueent toutez fois que il
leur plaissoit chevauchier a le couverte que on ne sot riens

de leurs issuez pour
leurs

grans bois ou il marcissent, car il ont fait une voie et tailliet a leur
vollenté, que il pueent issir hors et chevauchier sur le païs en Normendie
sans le dangier des François. Et avint en celle saisson que li François chev
auchoient, et eulz ossi, et riens ne savoient ly uns de l’autre, et tant que d’a
venture il se trouverent ens es bois en une plache que on dist Pestor. Lors
que il se trouverent, enssi que chevalier et escuier qui se desirent a combatre, il
missent tout a piet a terre, excepté messires Lancelos de Loris. Cilz demora sus
son coursier la glave ou poing et la targe au col et demanda une jouste pour l’a
mour de sa dame. La estoit qui bien l’entendi, sy fu tantos requelliéz, car otant
bien y avoit des chevaliers amoureus avoecquez les Englés que il estoit. Et me sam
ble que messires Jehans Copelant, uns moult radez chevaliers, se mist a lui. Adonc esper
onnerent il leurs deus chevaulx et se bouterent l’un sus l’autre de plains eslais
et se donnerent sus les targez tres grans horions. La fu consieuwis messires Lancelos
dou chevalier engléz par tel maniere que il li perça le targe et toutez ses armeures
et ly passa tout oultre le corps, et fu navréz a mort, dont che fu damagez, car
il estoit moult appers chevaliers, jones, jolis et amoureus, et fu la et ailleurs depuis
moult plains. Adonc se bouterent François et Engléz ly uns dedens l’autre et se
combatirent longuement de leurs glavez et puis des hacez, et vinrent tout
main. La furent bon chevalier de le part des François messires Guillaumez dez Bordez, ly petis
senescaulx d’Eu, messires Guillaumes Martiel, Brakes de Brakemont et tout ly autre,
et se combatirent vaillanment. Et ossi fissent ly Englés, mes

sires Jehans de Har
leston,

messires Phelippez Picourde, messires Jehans Burlé, messires Jehans de Copelant
et tout ly autre. Et avint finablement que par bien combattre la journee
leur demora, et obstinrent la place, et furent tout pris, chevaliers et escuiers,
et prist uns escuiers de Haynnau, qui s’appelloit Guillaumes de Biaulieu, messire Guillaume
des Bordez. Si furent chil prisonnier menet en Chierebourcq et la trouverent
messire Olivier de Claiekin, qui estoit prisonniers ossi. Enssy ala de ceste besongne, pb 8 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.