Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Leiden VGGF 9 (vol. 2)
Previous | Folio 98 r | Next
pb 98 r
sceu, et aroient tels leurs païs que on metteroit atemprance. Ceste responsse souffi assés
au conte de Flandrez. Ly dus Aubers, qui pour ce tamps se tenoit en Hollandez, escripsy de
vers son baillieu en Haynnau, messire Simon de Lalaing. Et li envoiia la coppie des lettres
et par escript les parollez et requestez de son cousin, le conte de Flandrez, et avoec tout
che il ly manda et commanda estroitement que il euist tel le païs de Haynnau que
il n’en oist plus nullez nouvelles a le desplaissance dou conte, son cousin. Car il
s’en couroucheroit, ly baillieux obeÿ, che fu raisons, et fist faire I commandement
general parmy le conté de Haynnau, que nulz ne menast vivrez a ceulx de Gaind.
Car, se il estoient sus le chemin veü ne trouvé, il n’aroient point d’avoé de ly. Un
tel cri et deffensse fist on en Braibant, ne nulz n’osoit aler en Gand, fors en lare
chin, ne mener vivrez, dont cil de Gaind se commenchierent moult a esbahir. Car
pourveancez leur afoiblissoient durement, et eussent eu trop plus tost grant fa
mine, mais il estoient conforté des Hollandois et des Zellandois, qui onquez ne
s’en vaurent deporter pour mandement ne pour destrainte que ly dus Aubers y
peuist mettre. En che tamps par lez pourcas et moyens des consaulx de Haynnau,
de Braibant et de Liege, fu uns parlemens assis et acordés a estre a Harlebeque dalléz
Courtray. Et se tint ly parlemens, et y envoiierent chil de Gand XII des plus no
tablez hommez de la ville, et monstroient tout generaument, excepté ly ribaudaille
qui ne desiroient que le rihotte, que il voloient venir a pais, a quel meschief que
che fust. A ce parlement furent tout li consaus dez bonnez villez de Flandrez, et mei
sment ly contez, et ossi de Braibant, de Haynnaut et de Liege y eut gens. La furent
les cosez si bien tailliéz et couchiéz que sur certain article de paix ly Gantois retour
nerent en leur ville, et avint que cil de Gand, qui pais desiroient a avoir, voire
ly saige et ly paisiule, se traissent devers lez hostelz des deus plus notablez et rices
hommez de Gaind qui a ce parlement eussent esté, sire Ghisebrest Grute sire Simon
Bete, et leur demanderent dez nouvellez. Il se descouvrirent trop tos a leurs amis.
Car il respondirent : "Bonnez, nous arons une belle paix, se Dieu plaist. Chil qui ne
voellent que bien, demoront en pais et on corrugera aucuns dez mauvais de
la ville de Gand."
SHF 2-232 sync Vous savéz que on dist communement : S’il est qui fait, il est qui dist. Pietrez
dou Bos, qui ne se sentoit miez asseur de sa vie, avoit envoiiet sez espiez pour
oir et raporter dez nouvellez. Chil qui y furent envoiiet, raporterent che que
on dissoit parmy la ville, et que ces parollez venoient pour certain de Ghisebrest
Grute et de Simon Bete. Quant Pietrez entendy che, si fu tous foursenéz et hapa
tantos ceste cose pour ly, et dist: "Se nulz est corigiéz de ceste guerre, je serray tous
premiers, mais il n’yra pas enssy que nos signeurs, qui ont esté au parlement, quident. Je ne pb 98 v