The Online Froissart

Facsimile mode Settings Browse | Collate

pb 103 r

peril car se cil effort multiplie longue
ment et se efforce ainsi ilz se doubtent
que vostre filz n’ait a faire." Le roy respondi
au chevalier, qui s’appelloit messire Thomas
de Nordvich, et dist : "Mon filz est il mort
ou aterré ou si blecié qu’il ne se puet aidier?"
Cil respondy : "Nennil, sire, mais il est en
dur party d’armes, si aroit bien mestier
d’avoir vostre aide." "Messire Thomas," dist le
roy, "or retournéz devers lui et devers
ceulx qui vous ont envoié et leur dittes
depar moy qu’ilz ne m’envoient mais huy
requerre pour aventure qui leur aviengne
tant que mon filz soit en vie. Et leur
dictes que je leur mande qu’ilz laissent a
l’enfant gaingnier ses esporons. Car je
vueil, se Dieu la ordonne, que la journee
soit sienne et que l’onneur l’en demeure
et a ceulx en qui charge je l’ay baillié." Sur
ces paroles retourna le chevalier a ses
maistres et leur raconta tout ce que vous
avéz oy. La quelle responce les encouraga
grandement et se repentoient en eulx
meismes de ce que la avoient envoiés, si
furent meilleurs chevaliers que devant
et y firent pluseurs grant appertises d’armees
ainsi qu’il apparu car la place leur de
moura a leur honneur.
SHF 1-282 sync On doit bien croire et supposer
que la ou il avoit tant de vail
lans hommes et si grant peuple qu’il
y eut fait ce soir pluseurs grans prou
esces la ou tant de ceulx de la partie des
François en demourerent sur la place,
il est bien vray que monseigneur Godefroy de
Harecourt, qui estoit deléz le prince et
en sa bataille, eust voulentiers miz pai
ne et entendu a ce que le conte de Hare
court, son frere, feust sauvé. Car ja avoit
il oy recorder a aucuns Englois que on a
voit veü sa baniere et qu’il estoit venuz
avec ses gens combatre aux Englois.
Mais le dit messire Godefroy n’y peut venir
a temps. Ains fu tué le conte sur la place
et aussi fu le conte d’Aubmalle, son nepveu.
D’autrepart le conte d’Alençon et le conte
de Flandres se combatoient moult forment
aux Englois chascun desoubz sa baniere et
entre ses gens. Et ne peurent resister

contre la puissance des Englois, si furent occiz
en la place et grant foison de bons chevaliers
et escuiers deléz eulx dont ilz estoient serviz
et acompaigniés. Le conte Loÿs de Bloys et
le duc de Lorraine son serourge avec leurs
gens et leurs banieres se combatoient
d’autrepart moult vaillemment. Et estoient
encloz d’une route d’Englois et de Gallois qui
nullui ne prenoient a mercy. La firent ilz
de leurs corps mainte grant appertise d’armes
car moult estoient vaillans chevaliers et
bien combatans. Touteffois furent occiz en
la place et tous ceulx qui deléz eulx estoient.
Aussi fu le conte d’Aucerre, qui moult estoit
bon chevalier, et le conte de Saint Pol et
tant d’autres que merveilles seroit a
recorder. SHF 1-283 sync La retraite du roy de France de
la bataille de Crecy.
Sur le vespre tout tart ainsi comme
a jour faillant se party le roy Phelippe
lui Ve de barons seulement. C’estoit messire
Jehan de Haynau le premier et le plus
prouchain de lui, le sire de Montmorency,
le sire de Biaugeu, le sire d’Aubegny et le
sire de Montsaut. Si chevauça le dit roy
tout lamentant et complaingnant ses
gens jusques au chastel de Broye. Quant
il vint devant la porte il la trouva fermee
et le pont levé car il estoit tout nuit et
faisoit moult obscur. Adont fist le roy
appeller le chastellain. Lequel vint aux ga
rites et dist tout haut : "Qui est ce la qui
me huchiés a ceste heure?" Et le roy Phelippe
respondy : "Ouvréz, ouvréz, chastellain, c’est
l’infortuné roy de France." Le chastellain,
qui recongnut la parole du roy et qui
bien savoit la desconfiture par aucuns
fuians qui estoient passéz dessoubz le
chastel, si abaissa le pont et ouvry la
porte. Lors entra le roy dedens et toute sa
route et demourerent la jusquez a mienuit
et n’eut mie le roy conseil qu’il y demorast
ne s’enserrast la dedens. Sy beut I coup
et aussi firent ceulx qui avec lui estoient.
Puis monterent aux chevaux et s’en par
tirent et prindrent guides pour eulx mener
qui bien congnoissoient le paÿs. Et en
trerent ou chemin environ mienuit et
chevaucierent tant que au point du jour pb 103 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.