The Online Froissart

Facsimile mode Settings Browse | Collate

pb 103 v

ilz entrerent en la bonne cité d’Amiens. Si
s’arresta la le roy et loga en une abbaye
et dist qu’il n’yroit plus avant si saroit
nouvelles de ses gens qui a la bataille
estoient demouréz et lesquelx estoient
eschappéz.
SHF 1-284 sync Vous devéz savoir que la perte sur
les François fu moult grande et
que trop y moururent de vaillans hommes
par lesquelx le royaume de France fu puis
moult afoibliz d’onneur, de puissance et
de conseil. Et se les Englois eussent chaciés
ainsi qu’ilz firent a Poitiers, trop plus
en y feust demouréz et le roy Phelippe
meismes, mais onques les Englois ne se
partirent de leurs conrois. Ains se tenoient
sur leur pas ce samedi gardans leur
place et se defendoient a ceulz qui les
assailloient. Et y estoit demouréz le roy
de France moult tart et tant qu’il n’avoit
deléz lui a son departement que environ
LX hommes tant d’uns comme d’autres.
Et adont le prist le dit messire Jehan par le
frain, qui l’avoit a garder et a conseillier,
et l’avoit ja remonté une fois, car de
trait on avoit occiz le coursier du roy.
Et l’emmena le dit messire Jehan aussy
comme par force disant que s’il avoit perdu
a ceste fois il recouvreroit une autre
fois. SHF 1-285 sync Quant la nuit du samedy fu
toute venue et que on n’oyoit mais
crier ne jupper ne renommer nulle en
seigne ne nul seigneur, si tindrent les
Englois a avoir la journee pour eulx.
Lors alumerent en leur ost grant foison
de falos et de tortiz pour tant qu’il faisoit
moult brun. Et dont s’avala le roy d’Engleterre,
qui encore tout ce jour n’avoit miz son
bacinet, et s’en vint a toute sa bataille
moult ordonneement vers son filz le
prince de Galles, si l’acola et baisa et dist :
"Beau filz, Dieu vous doint bonne perse
verance. Vous estes mon filz. Car loyau
ment vous estes huy portéz si estes digne
de tenir terre." Le prince s’enclama tout
bas et s’umelia en honnorant le roy son
pere. Moult fu grant joye aux Englois
et tindrent ceste aventure a moult belle
et en loerent et regracierent grandement

les seigneurs et les sages hommes et par
pluseurs fois celle nuit Nostre Sire. Si passerent
celle nuit sans boban car le roy d’Engleterre
ne vouloit mie que nul s’en feist. Quant
ce vint le dimenche au matin, il fist
grant bruine et telle que a paine pouoit
on veoir un arpent de terre long, dont
se departirent de l’ost par l’ordonnance
du roy et de ses mareschaux VC hommes
d’armes et IIM archiers pour savoir
s’ilz trouveroient nullui ne aucuns
François qui se feussent recueilliz. Ce
dimenche au matin s’estoient partiz
d’Abbeville et de Saint Riquier en Pontieu
la communauté de Rouen et celle de Beau
vais, qui riens ne savoient de la des
confiture. Si trouverent en leur en
contre ces Englois qui chevauçoient,
et cuidierent au premier que ce
feussent de leurs gens si se bouterent
en eulx. Et les Englois, sitost qu’ilz les
raviserent, leur coururent suz de
bonne maniere. La derechief eut grant
bataille et furent tantost desconfiz ces
François et miz en chace et ne tindrent
nul conroy si en y eut mort sur les
champs tant par hayes comme par
buissons ainsi qu’ilz fuioient plus de
VIIM. Et s’il eust fait cler, il n’en feust
ja pié eschappé. Asséz tost aprés furent
rencontréz en une autre route l’arcevesque
de Rouen et le grant prieur de France,
qui riens aussi ne savoient de la
desconfiture. Ains cuidoient que la
bataille ne deust estre que jusques a
ce dimenche et cuidierent de ces Englois
que ce feussent de leurs gens, si se trai
rent devers eulx. Et tantost ces Englois
les envairent de grant voulenté. La
eut derechief grant bataille car ces
deux seigneurs estoient pourveuz de
bonnes gens d’armes. Mais ilz ne
peurent longuement durer contre
les Englois ainçois furent presque
tous mors. Petit s’en fuirent et y furent
tuéz les deux chiefs qui les menoient
ne onques homme n’y fu priz a raençon.
Ainsi chevaucierent ceste matinee ces
Englois et trouverent pluseurs François pb 104 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.