The Online Froissart

Facsimile mode Settings Browse | Collate

pb 105 v

SHF 1-290 sync Comment messire Gautier de Mauny par
saufconduit chevauça en France.
Puis ne demoura guerres de temps
que messire Gautier de Mauny,
qui grant desir avoit de venir devant
Calais et de veoir son seigneur le roy
d’Engleterre, mist en parole le chevalier nor
mant qu’il tenoit et lui demanda quelle
quantité d’argent pour sa raençon il
pourroit paier. Le chevalier respondy
ainsi comme cil qui sa delivrance veist
voulentiers que jusques a IIIM escus
paieroit il bien. Lors dist messire Gautier
moult courtoisement : "Sire, je sçay bien
que vous estes du sang du duc de Nor
mandie et moult améz de lui et tresespecial
en son conseil. Si vous diray que vous feréz,
je vous recreray sur vostre foy et vous
partiréz de cy et yréz devers le duc vostre
seigneur. Et me impetreréz I saufconduit
pour moy XXe tant seulement a che
vaucier parmy France paiant courtoise
ment tout ce que je despenderay. Et se ce
me pouéz empetrer du duc ou du roy,
n’ay cure duquel je vous quitteray
vostre raençon et vous en saray gre. Car
je desire tant a veoir mon chier seigneur
le roy d’Engleterre que ce me tournera a grant
plaisance se le saufconduit me raportéz.
Et que bien l’entendéz je ne vueil gesir
en une ville que une nuit tant que je
seray venuz devant Calais. Et se ce vous
ne pouéz faire, vous revenréz dedens
un mois tenir prison dedens ceste for
teresce." Le chevalier respondy qu’il en
feroit son plain pouoir. Si se party
d’Aguillon et chevauça jusques a
Paris, ou il trouva le duc de Normandie
son seigneur, qui lui fist grant chiere.
Et lui demanda de son estat et comment
il avoit finé. Le chevalier lui compta
la maniere et dont le duc lui fist faire
le saufconduit pour messire Gautier de
Mauny tel qu’il le voult avoir. Le chevalier
le prist sur le seel du duc. Puis erra
tant par ses journees qu’il vint au chas
tel d’Aguillon et presenta le saufconduit
au dit messire Gautier, qui tantost
delivra le dit chevalier de sa raençon en

grant joie.
SHF 1-291 sync Asséz tost aprés se party le dit messire
Gautier de Mauny de la ville et
du chastel d’Aguillon atout XX chevaux
seulement ainsi comme sa lettre parloit.
Et se mist au chemin parmy Auvergne
en chevauçant parmy le royaume, le gentil
chevalier ne se faisoit point celer mais se
nommoit partout et quant il estoit arrestéz
il moustroit sa lettre et tantost estoit
delivré. Ainsi chemina tant qu’il vint
a Orleans si fu la arrestéz et ne peut
estre desarrestéz pour lettres qu’il mous
trast mais fu amenéz a Paris et la
miz en prison en Chastellet comme cil qui
estoit des François grandement haÿs
pour les grans prouesces dont il estoit
renomméz. Quant le duc de Normandie
le sceut il en fu durement courroucié
si s’en ala tantost pardevers le roy son
pere. Et lui requist si a certes qu’il peut
qu’il voulsist le chevalier delivrer
pour l’amour de lui ou il seroit deshon
noréz et diroit on que on l’aroit trahy.
Car il l’avoit asseuré par bonnes
lettres seellees de son seel mais le roy
respondy qu’il le feroit mettre a mort
et qu’il le tenoit pour son trop grant
ennemy. Lors respondy le duc que s’il
en faisoit ainsi il feust certain que
jamais ne s’armeroit contre le roy
d’Engleterre ne tous ceulx qui destourner
il en pourroit. Et eut adont entre le
roy et le duc grosses paroles et s’en party
le duc par mautalent, disant que jamais
en l’ostel du roy n’entreroit tant que le
dit messire Gautier feust en prison.
Ainsi demoura ceste chose un grant
temps et pourchaçoit le dessus dit
un chevalier de Hainau qui s’appelloit
messire Mansart d’Esve. Cil en eut moult
de paine et de traveil pour aler et
venir devers le duc de Normandie. En
la fin le roy de France fu tellement
conseillié qu’il delivra le dit messire
Gautier de prison et lui fist paier
tous ses frés et le voult veoir le dit
roy si disna le dit messire Gautier
deléz lui en l’ostel de Neelle a Paris. pb 106 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.