The Online Froissart

Facsimile mode Settings Browse | Collate

pb 106 v

et occirent tous ceulx qui dedens estoient,
pour tant que en eulx assaillant ilz leur
avoient occiz un chevalier des leurs appert
homme d’armes durement. Puis passerent
oultre pour venir devant la ville Saint
Jehan d’Angeli. Et sachiés que tout le paÿs
estoit adont si effraiéz de la venue du conte
d’Erbi et des Englois que nulz n’avoit cou
venant ne arroy en soy meismes mais
fuioient devant eulx et s’enclooient es bonnes
villes et laissoient tout vague hostelz et
maisons et n’y avoit autre apparant de
defence neiz les chevaliers et les escuiers
de Saintonge et de Poitou se tenoient en
leurs fors et en leurs garinsons et ne
moustroient nul semblant pour combatre
les Englois.
SHF 1-293 sync Tant chevaucierent le conte d’Erbi et
leurs routes qu’ilz vindrent devant
la bonne ville de Saint Jehan d’Angeli. Et
se ordonnerent tous a mettre y siege. A ce
jour que les Englois y vindrent, il ny
avoit nulles gens d’armes chevaliers ne
escuiers pour aidier a garder la ville et
conseillier les bourgois qui n’estoient mie
coustumiers de guerroier. Ains furent
durement effraiéz les dis bourgois quant
ilz virent devant leur ville tant d’Englois
qui leur livrerent de venue un tresgrant
assaut si doubterent a perdre corps et biens
femmes et enfans. Car il ne leur apparoit
secours ne confort de nul costé se eurent
plus chier de traittier aux Englois que plus
grant mal leur survenist. Aprés cel assaut
que les Englois eurent fait devant Saint
Jehan et qu’ilz se furent retrais en leurs
logeis pour reposer et avoient bien ententon
d’assaillir l’endemain. Le maire de la ville,
qui s’appelloit messire Guillaume de Rion, par le
conseil de la plus sainte partie de la ville en
voierent devers le conte d’Erbi pour un
saufconduit avoir alant et venant VI de
leurs bourgois qui devoient porter ces trai
tiés. Le gentil conte d’Erbi leur ottroia vou
lentiers a durer celle nuit et l’endemain
toute jour. Quant vint au matin a heure
de prime les dis bourgois de Saint Jehan
vindrent ou pavillon du conte et parlerent
a lui quant il eut oÿ messe. Et me semble

que ce traittié se porta en telle maniere
qu’ilz se mistrent du tout en l’obeissance
du conte et lui rendirent la ville et
jurerent a estre bons Englois de ce jour
en avant tant que le roy d’Engleterre
ou personne forte depar lui les voudroit
tenir ou pourroit devers les François en
paix. Sur celle ordonnance les reçut
le conte d’Erbi et entra en la ville et en
print la foy et l’ommage et devindrent
ses hommes. Si se refreschirent le conte
d’Erbi et les Englois IIII jours en la ville.
Au Ve s’en partirent et chevaucierent vers
Nyorth, une trefforte ville et bien fermee,
de laquelle messire Guichart d’Angle,
un gentil chevalier estoit cappitaine et
souverain pour le temps. Si y firent
les Englois jusques a III assauls mais
riens ny conquistrent si s’en partirent
et chevaucierent pardevers la bonne cité
de Poitiers. Mais ainçois qu’ilz y vindrent
ilz trouverent le bourt Saint Maximien,
si le prindrent par force et furent tous
ceulx mors qui dedens estoient. Puis
chevaucierent a la senestre main et
vindrent devant Moustruel Bonim, ou
il avoit pour ce temps plus de CC
monnoiers qui la forgoient et faisoient
la monnoie du roy et qui distrent trop
bien qu’ilz se defenderoient, si ne se voudrent
rendre a la requeste des Englois. Ains
moustrerent grant semblant d’eulx def
fendre. Le conte d’Erbi et ses gens qui
estoient bons coustumiers d’assaillir,
assaillirent a ce commencement de grant
façon et estoient archiers devant qui
traioient aux defendans si onniement
que a paines osoit nul apparoir aux
defences. Et tant s’avancierent les Englois
et si bien s’esprouverent que de force
ilz conquistrent Monstruel Bonim et
furent tous ceulx mors qui dedens
estoient. Si refreschierent le chastel
de nouvelles gens. Puis chevaucierent
oultre vers Poitiers qui est moult grant
ville et esparse, si firent tant qu’ilz y
parvindrent et l’assegierent a l’un des léz
car ilz n’estoient mie tant de gens que
pour l’assegier de tous costéz. Sytost pb 107 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.