The Online Froissart

Facsimile mode Settings Browse | Collate

pb 107 r

qu’ilz furent venuz pardevant, ilz se mis
a l’assaillir de grant voulenté. Et ceulx
de la ville a eulx defendre, qui estoient
grant foison de menues gens pou aidables
en guerre et encore pour le temps de lors
ilz ne savoient guerroier. Touteffois de
ce premier assault ilz se porterent si bien et
si vaillemment que les Englois ne leur peu
rent riens forfaire et se retrairent a leurs
logeis tous lasséz et traveilliés et se repo
serent celle nuit. Quant vint l’endemain
aucuns chevaliers du conte d’Erbi s’armerent
et chevaucierent autour de la ville au
plus pres qu’ilz peurent pour aviser
la ou elle estoit plus foible. Si trouverent
bien tel lieu par leur avis qui n’estoit mie
fort a conquerre car encore n’y avoit dedens
nul gentilhomme qui sceussent que c’estoit
d’armes. Si furent leur raport au conte
de tout ce qu’ilz avoient trouvé. Lors
eurent conseil au soir que l’endemain on
assaudroit en III lieux et mettroient la
greigneur partie de gens d’armes et
archiers alendroit qu’il faisoit le plus
foible. Ainsi le firent l’endemain tantost
aprés souleil levant et livrerent les dis
Anglois III assauls a la ville de Poitiers
qui est grande et esparse et n’estoit mie
adont foisonnee de gens, si ne peurent tost
aler ne courir de l’un a l’autre. Par lequel
meschief et dur assaut elle fu par le plus
foible costé conquise et entrerent les Englois
dedens. Lors vuidierent ceulx de Poitiers
et se partirent le plus tost qu’ilz peurent
par autres portes car il y a plusieurs
yssues. Mais ilz ne s’en alerent mie si a
point qu’il n’en demouroit occiz plus de VIC
et mettoient les Englois tout a l’espee femmes
et enfans dont c’estoit pitié. Si fu la cité
courue et toute robee et y conquistrent les
Englois moult grant avoir. Car elle estoit
riche et plaine de biens tant du leur
meismes comme de ceulx du plat paÿs,
qui la s’estoient retrais pour la doubte
des Englois et y avoient amené le leur. Si
destruirent les Englois grant foison d’eglises
et y firent moult de desrois de quoy le
conte d’Erbi fu moult courroucié pour les
grans violences que on y fist et eust encore

fait s’il ne feust aléz audevant. Mais il defendi
sur la hart que nul ne boutast feu en eglise
ne en maison car il se vouloit la tenir et
reposer X ou XII jours. Lors furent cesséz
em partie les mauls a faire mais encore en
fist l’en asséz en larrecin qui point ne vindrent
a cougnoissance.
SHF 1-294 sync Ainsi prist le conte d’Erbi, le roy d’Engleterre
seant devant Calais, la cité de Poitiers
et si tint dedens XII jours et plus s’i feust
tenu s’il eust voulu car nul ne lui venoit
chalengier mais trembloit tout le paÿs
jusques a la riviere de Loire devant les
Englois. Quant ilz eurent couru tout le
paÿs d’environ et pillié tant que riens n’estoit
demouré dehors les forteresces et les grans
garinsons, le conte d’Erbi eut conseil qu’il se
retrairoit et lairoit Poitiers tout vague
car elle n’estoit pas tenable tant estoit elle
de grant garde. Si s’ordonnerent les Englois
au partir mais a leur departement tout l’avoir
que en la cité avoient trouvé estoit tant
grant et en estoient si chargié s’ilz ne faisoient
compte de draps fors d’or et d’argent et de
pennes, si retournerent a petites journees a
Saint Jehan d’Angeli. La fu le conte d’Erbi receu
a grant joie et a haulte honneur si se repo
serent les Englois et refreschirent en la ville
une espace de temps. En ce sejour le conte acquist
grant grace et amour aux bourgois, aux
dames et aux damoiselles de la ville car
il leur donna et departy largement grans
dons et beaux joyeaux. Et fist tant qu’ilz
disoient communement que c’estoit le plus
noble prince qui peust chevaucier sur palefroy.
Et donnoit aux dames et damoiselles le
conte d’Erbi presque tous les jours disners
et soupers grans et beaux et fu toudiz en
revel. Quant il eut la sejourné tant que
bon lui sembla, il s’ordonna au partir et
toutes ses gens et prist congié aux bourgois
et dames de la ville et leur recommanda la
ville a garder. Et fist au dit maire et aux
riches bourgois de la ville renouveller leurs
seremens qu’ilz tenroient et garderoient la
ville bien et souffisant ainsi comme le bon heritage
du roy d’Engleterre. Ainsi l’eurent en couvent.
Adont se party le dit conte a tout son arroy
et chevauça par petites journees devers la pb 107 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.