The Online Froissart

Facsimile mode Settings Browse | Collate

pb 112 r

A celle propre heure et en cel
estat endementiers qu’ilz
estoient en grant conseil
d’eulx deslogier vint la un
chevalier depar la contesse, qui s’appelloit
Garnier, sire du Quadudal, a C armeures
de fer. Et n’avoit peü plus tost venir. Si
tost qu’il sceut le couvenant et le parti
ou ilz estoient, et comment par leur
emprise perdu ilz avoient, si leur donna
nouvel conseil et ne fu neant effraié et
dist a monseigneur Jehan et a monseigneur Taneguy :
"Or tost, arméz vous et faites monter a
cheval ceulx qui ont chevaux et qui
n’en a point, si viengne a pié, car nous
yrons veoir noz ennemiz et ne me
doubte mie selon ce qu’ilz se tiennent
tout pour asseuréz que nous ne les
desconfisons et recouvrerons noz gens
et nostre dommage." Ce conseil fu creü,
si s’armerent et distrent que derechief
ilz s’aventuroient. Si se departirent
ceulx qui a cheval estoient, tout premier
et ceulx a pié les suivrent et vindrent
environ souleil levant ferir en l’ost
messire Charles de Blois qui dormoient et
se reposoient et ne cuidoient plus avoir
destourbier. Ces Bretons et ces Englois
se commencierent a haster d’un costé et
abatre tentes, trefs et pavillons et
occire et decouper gens et mettre a
grant meschief. Et furent si surpris
car ilz ne faisoient point de guet que
onques ilz ne se peurent aidier. La
eut grant desconfiture sur les gens
monseigneur Charles de Bloys. Et mors plus
de IIC chevaliers et bien IIIIM d’autres
gens. Et pris le dit messire Charles de
Blois et tous les barons de Bretaigne et
de Normandie qui la avec lui estoient
et rescous messire Thomas Dagorne
et tous leurs compaignons. Ainsi
fu le siege levé de la Roche Darien et
fu menéz en Haimbont a la contesse
de Monfort messire Charles de Bloys et
toute la fleur de son paÿs avec lui.
Mais toudiz se tindrent les villes, les
citéz et forteresces de monseigneur Charles de

Blois car madame sa femme, qui s’appel
loit duchesse de Bretaigne, emprist la
guerre de grant voulenté.
SHF 1-306 sync Comment le roy de France mist a grant
effort pour lever le siege de Calais.
Le roy Phelippe de France, qui sentoit
ses gens de Calais durement ap
presséz selon ce qu’il estoit enformé, et
veoit que le roy d’Engleterre ne s’en partiroit
point si les aroit conquiz, si dist qu’il
vouldroit le roy d’Engleterre combatre et lever
le siege s’il pouoit. Lors commanda par tout
son royaume que tous chevaliers et
escuiers feussent a la feste de Penthecouste
en la cité d’Amiens ou la pres. Et dont nul
n’osa laissier qu’il n’y venist au jour ou
tost aprés. Et meismement le roy y fu et
tint la court solempnelle au dit jour
et moult de princes et de hauls barons
deléz lui car le royaume de France est
si grant et tant y a de bonne et noble
chevalerie et escuerie qu’il n’en puet
estre desgarniz. La estoient le duc de
Normandie son ainsné filz, le duc d’Orleans
son maisné filz, le duc Oedes de Bourgoigne,
le duc de Bourbon, le conte de Foys, messire
Loÿs de Savoie, monseigneur Jehan de Haynau,
le conte d’Armignach, le conte de Forés,
le conte de Valentinois et tant de contes
et de barons que merveilles seroit a
recorder. Quant tous furent venuz a
Amiens et en la marche d’environ, si eut
le roy plusieurs consauls par quel costé
il pourroit courir sur les Englois et
eust voulentiers veü que les passages
de Flandres lui feussent ouvers. Si fu
envoié au costé devers Gravelingnes
une partie de ses gens pour refreschir
ceulx de Calais et combatre les Englois
a ce costé bien et aisiement par la ville
de Calais. Et envoia le dit roy en Flandres
grans messages pour traittier envers
les Flamens sur cel estat, mais le roy
d’Engleterre en ce temps avoit tant de bons
amis en Flandres que jamais ilz ne lui
eussent ottroié ceste courtoiseie. Et pour
ce dist le roy Phelippe qu’il ne vouloit
mie les bonnes gens de Calais mettre en pb 112 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.