The Online Froissart

Facsimile mode Settings Browse | Collate

pb 113 v

pour le temps. Ces II cardinaux se mistrent
tantost en grant paine d’aler de l’un ost a
l’autre. Et voulentiers eussent veü que le
roy d’Engleterre eust brisié son siege, ce qu’il n’eust
jamais fait. Touteffois sur certains articles
et traittiés de paix ilz procurent tant
que un respit fu pris entre ces deux roys
et leurs gens lui estans au siege et sur les
champs seulement. Et mistrent par leurs
promotions de toutes parties IIII seigneurs
ensemble qui devoient parlementer d’acort.
De la partie du roy de France y furent le
duc de Bourgoingne, le duc de Bourbon, messire
Loÿs de Savoie et monseigneur Jehan de Haynau.
Et du costé des Englois, le conte d’Erbi, le conte
de Norhantonne, messire Regnaut de Gobehen
et messire Gautier de Mauny. Et les deux
cardinaux estoient traitteurs et moiens
alans de l’un costé a l’autre. Si furent
tous ces seigneurs les III jours des treves
la greigneur partie du jour ensemble
et mistrent plusieurs devises et parçons avant,
desquelles nulles ne vindrent a effect. Et
endementiers le roy d’Engleterre faisoit toudiz
efforcier son ost et faire grans fosséz sur
les dunes par quoy les François ne les peussent
sousprendre. Et sachiés que ce parlement et
detriement ennuioit durement a ceulx de
Calais, qui voulentiers eussent veü plus
tost leur delivrance car on les faisoit trop
jeuner. Ces III jours se passerent sans
paix et sans accort car le roy d’Engleterre tenoit
toudiz son oppinion qu’il seroit sire de Calais
et le roy de France vouloit qu’elle lui demou
rast. En cel estrif se departirent les parties
ne on ne les peut puis assembler. Si s’en
retournerent les cardinaux a Saint Omer.
Et l’endemain le roy Phelippe fist au matin re
cueillir et trousser tentes et trefs, si se mist
au chemin pardevers la cité d’Amiens et
donna congié a toutes manieres de gens
d’armes et communes. A ce deslogement
aucuns Englois se ferirent en la queue
des François si gaignierent charrettes, sommiers,
chevaux, vins et prisonniers qu’ilz amenerent
devant Calais. SHF 1-311 sync Comment ceulx de Calais
parlementerent pour eulx rendre au
roy Edouart.

Quant ceulz de Calais virent le de
partement du roy de France, si
demenerent si grant dueil que c’estoit pitié.
Et si estoient a si tresgrant famine et
destresse que le plus puissant et le plus
fort se pouoit a paine soustenir. Si eurent
conseil qu’il valoit mieux eulx mettre en
la voulenté du roy d’Engleterre que eulx
laissier mourir l’un aprés l’autre par famine
car les plusieurs en pourroient perdre corps
et ame. Tant prierent a monseigneur Jehan de
Viane leur cappitaine qu’il en voulsist traittier
qu’il s’i accorda. Aux creniaux des murs de
la ville monta et fist signe a ceulx dehors
qu’il vouloit parler. Quant le roy d’Engleterre le
sceut, il y envoia tantost monseigneur Gautier
de Mauny et le seigneur de Basset. Lesquelx
la venuz le dit messire Jehan de Vianne leur
dist : "Seigneurs, vous estes moult vaillans
chevaliers et uséz d’armes et savéz que
le roy de France, qui nous tenons a seigneur,
nous a ceans envoyéz pour garder ceste
ville et ce chastel, si que blasme n’en eussions
ne il point de dommage. Nous en avons
fait nostre pouoir. Or est nostre secours failli
et vous nous avéz si astrains que nous
n’avons de quoy vivre si nous couvenra
tous mourir ou enragier par famine,
se le gentil roy vostre sire n’a pitié de nous.
Chiers seigneurs, si le vueilliés prier en
pitié qu’il ait mercy de nous et nous
en vueille laissier aler tout ainsi comme
nous sommes. Et vueille prendre la ville et
le chastel et tout l’avoir qui est dedens, si
en trouverra asséz." Adont respondy
messire Gautier de Mauny et dist : "Messire
Jehan, messire Jehan, nous savons partie
de l’entention monseigneur le roy, il le nous a dit.
Sachiés que ce n’est mie son entente que
vous en puissiés aler ainsi. Ains veult
que vous vous mettéz tous en sa pure
voulenté ou pour raençonner ceulx qu’il
lui plaira ou pour faire mourir. Car
ceulx de Calais lui ont fait tant de
contraires et de despis. Le sien fait despendre
et grant foison de ses gens mourir dont
se il l’en poise ce n’est mie merveille."
Lors dist messire Jehan de Vianne : "Ce seroit pb 114 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.