The Online Froissart

Facsimile mode Settings Browse | Collate

pb 118 r

appertise d’armes de l’un léz et de l’autre mais
le sire de Fiennes et le sire de Creseques et
les autres chevaliers qui la estoient virent
bien que en la fin ilz ne le pourroient tenir
car les Englois croissoient toudiz qui yssoient
hors de Calais et leurs gens amenrissoient.
Si monterent sur leurs coursiers, ceulx qui
les avoient, et leur moustrerent les talons
et les Englois aprés en chace. La eut celle
journee grant hustin et dur et maint
homme reversé. Et tous les bien montéz le
gaingnierent et se sauverent le sire de
Fiennes, le sire de Cresekes, le sire de Sempy,
le sire de Lonchvilais, le sire de Maunier et
si en y eut aussi moult de pris par leur
oultrage, qui se feussent bien sauvéz s’ilz
voulsissent. Mais quant il fu hault jour
et ilz peurent congnoistre l’un l’autre, au
cuns chevaliers et escuiers se recueillirent
ensemble et se combatirent vaillemment
aux Englois. Et tant qu’il en y eut des Fran
çois qui eurent des bons prisonniers dont
ilz eurent honneur et prouffit.
SHF 1-319 sync Nous parlerons du roy d’Engleterre,
qui la estoit sans la congnoissance
de ses ennemiz soubz la baniere monseigneur
Gautier de Mauny, et compterons comment
il persevera tout ce jour a pié et de bonne
ordonnance. Il s’en vint avec ses gens
requerre ses ennemiz, qui se tenoient
moult serréz, leurs lances retailliees
de V pies pardevant eulx. De premiere
venue, il y eut dur encontre et fort bou
teis et s’adreça le roy sur monseigneur Eustace
de Ribeumont, lequel estoit moult fort
chevalier et hardy et de grant emprise et qui
recueilly le roy moult chevalereusement
mais il ne le congneut mie. Longuement
se combatirent et les faisoit moult plaisant
veoir, depuis tout en combatant fu leur
bataille rompue. Car deux grosses routes
des uns et des autres vindrent celle part
qui les departirent. La eut grant estour
et dur et bien combatu et y furent
François et Englois tresbons chevaliers.
La eut fait pluseurs appertises d’armes et ne
se espargnoit mie le roy d’Engleterre mais
estoit toudiz entre les plus drus. Et la

eut de la main ce jour le plus a faire a
monseigneur Eustace de Ribeumont. La fu son
filz le joenne prince de Galles, tres bon
chevalier. Et fu le roy abatu a genoulx
par II fois du dit messire Eustace, mais
messire Gautier de Mauny et messire
Regnaut de Gobehen, qui deléz lui estoient,
lui aidierent a relever. La furent bons
chevaliers monseigneur Gieufroy de Chargny,
messire Jehan de Landas, messire Ector et
messire Gauvain de Baillueil, le sire de
Kireki et les autres mais tous les passoit
de bien combatre et vaillemment messire
Eustace de Ribeumont. Que vous feroie je
long compte? La journee demoura pour
les Englois. Et y furent tous pris ou
mors ceulx qui avec monseigneur Gieufroy de
Chargni estoient au dehors des murs de
Calais. Et la furent mors dont ce fu
dommage messire Hervi du Boys et messire
Pepin de Were, II moult vaillans chevaliers.
Et pris messire Gieufroy de Chargny et
tous les autres. Et tout le derrenier
qui y fu pris et qui ce jour y fist moult
d’armes, ce fu messire Eustace de Ribeumont.
Si le conquist le roy d’Engleterre par armes
et lui rendy le dit messire Eustace son espee
sans ce qu’il sceut que c’estoit le roy. Ains
cuidoit que ce feust un des compaignons
monseigneur Gautier de Mauny et se rendy a
lui pour ce que ce jour il s’estoit continu
elment combatu a lui et dist : "Chevalier,
je me rens vostre prisonnier." Ce avint
dessoubz Calais, l’an de grace Nostre Sire mil
CCC XLVIII, le derrenier jour de decembre.⁴¹
SHF 1-320 sync Du chappellet que le roy d’Engleterre
donna a messire Eustace de Ribeumont.
Quant ceste besoingne fu achevee,
le roy d’Engleterre se retrait a
Calais droit ou chastel et la fist mener
tous les chevaliers prisonniers. Adont
sceurent les François que le roy avoit la
esté en propre personne, si en furent plus
joieux tous les prisonniers car ilz es
peroient qu’ilz en vaudroient mieux.
Si leur fist dire le roy depar lui qui celle
nuit de l’An il leur vouloit a tous donner
a souper en son chastel de Calais qui leur pb 118 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.