The Online Froissart

Facsimile mode Settings Browse | Collate

pb 119 r

ensuiant fu enterré le corps a Saint Denis au
costé senestre du grant autel. Et les entrailles
furent enterrees aux Jacobins a Paris.
Et le cuer fu enterré a Bourfontaine en Va
lois. GCF 6-1 sync Item ou dit an le dimenche XXVIe jour
de septembre fu sacré a Rains le roy Jehan,
ainsné filz du dit roy Phelippe. Et aussi fu ce
jour couronnee la royne Jehanne, femme
au dit roy Jehan. Et la fist le dit roy chevaliers,
c’est assavoir Charles, son ainsné filz, daul
phin de Vienne, Loÿs, son second filz, le conte
d’Alençon, le conte d’Estampes, monseigneur Jehan
d’Artois, messire Phelippe duc d’Orleans, frere du
dit roy Jehan et duc de Bourgoingne, filz
de la dicte royne Jehanne de son premier mary,
c’est assavoir de monseigneur Phelippe de Bourgoingne,
le conte de Dampmartin et pluseurs autres.
Puis se party le dit roy de la ville de Raines
le lundi au soir et s’en retourna a Paris
par Laon, par Soissons et par Senliz. Et
entrerent les dis roy et royne a Paris
a tresbelle feste le dimenche ensuiant aprés
vespres. Et dura celle feste toute la sep
maine. Puis demoura le roy a Paris a
Neelle au palais jusques pres de la Saint
Martin ensuiant et fist l’ordonnance de son
parlement. Le XVIe jour de novembre
Raoul, conte d’Eu et de Guines, connestable
de France, qui nouvellement estoit venu
d’Engleterre de prison ou il avoit esté depuis l’an
XLVI qu’il avoit esté pris a Caen, fors
tant qu’il avoit esté eslargi pour venir
en France par pluseurs fois, fu pris en l’ostel
de Neelle a Paris par le prevost de Paris
du commandement du roy. Et ou dit hostel
fu tenu prisonnier III jours puis fu
decapité a heure de matines en sa prison,
presens le duc de Bourbon, le conte d’Armignac,
le conte de Monfort, monseigneur Jehan de
Bouloingne, le seigneur de Revel et
pluseurs autres chevaliers et autres qui
du commandement du roy estoient la, lequel
estoit au palais. Et fu pour mauvaises
traisons perpetrees contre le dit roy Jehan,
lesquelles il confessa en la presence du duc
d’Athenes et de pluseurs autres de son linaige.
Si fu le corps enterré aux Augustins de
Paris dehors l’eglise par le commandement

du roy pour l’onneur des amiz du connestable.
GCF 6-2 sync Item ou mois de jenvier Charles d’Espaigne,
auquel le roy avoit donné la conté d’An
goulesme, fu fait connestable de France. Item
le premier jour d’avril ensuiant se combaty
monseigneur Guy de Neelle, mareschal de France,
en Xantonge a pluseurs Englois et Gascoings.
Si fu le dit mareschal et sa compaignie
desconfiz. Et y fu pris le dit mareschal, messire
Guillaume son frere, messire Ernoul d’Andenchan
et pluseurs autres. Cel an le jour de Pasques
Fleuries fu presenté a Gille Rigaut de Roicy,
qui avoit esté abbé de Saint Denis et de nouvel
avoit esté fait cardinal, le chappeau rouge
ou palais a Paris en la presence du roy Jehan
par les evesques de Laon et de Paris, par
mandement du pape fait a eulx par bulle.
Ce qui n’avoit mie esté acoustumé estre
fait autrefois mais fu par la priere du
dit roy. L’an mil IIICLI ou mois de septembre
fu recouvree des François la ville de Saint
Jehan d’Angely, que les Englois avoient
tenue V ans ou environ. Et fu rendue
par les gens du roy d’Engleterre pour ce
qu’ilz n’avoient nulz vivres et sans bataille
aucune. GCF 6-3 sync Cel an ou mois d’octobre fu pu
bliee la confrarie de la noble maison de Saint
Oin, pres de Paris par le dit roy Jehan et
portoient chascun une estoille en son chap
peron ou devant en son mantel ceulx qui
en estoient. Ceste annee fu la plus grant
chierté que homme qui lors vesquist eust
onques veue par tout le royaume de France
et par especial de grains. Car I sextier de fro
ment valoit a Paris par aucun temps en
la dicte annee VIII livres parisis, le sextier
d’avoine LX solx parisis, le sextier de poix
VIII et les autres grains a la value. Cel
an le jour que la dicte confrarie se seist a
Saint Oin, fu prise la ville de Guines des
Englois durans les treves. Cel an fu fait
le mariage de monseigneur Charles d’Espaigne
connestable de France et de la fille monseigneur
Charles de Blois, duc de Bretaigne. GCF 6-4 sync La mort
messire Charles d’Espaigne connestable de France
auquel le roy avoit donné la conté d’Angoulesme.
L’an mil IIIC LII, la veille de la
Nostre Dame my aoust, se combaty pb 119 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.