The Online Froissart

Facsimile mode Settings Browse | Collate

pb 119 v

monseigneur Guy de Neelle, seigneur d’Offemont,
lors mareschal de France en Bretaigne. Et
fu le dit mareschal occiz en la dicte bataille,
le sire de Briquebet, le chastellain de Beauvais
et plusieurs autres nobles tant du dit
paÿs de Bretaigne comme de pluseurs autres
marches du royaume de France. Cel an
le IIIIe jour de decembre se voult combatre
a Paris un duc d’Alemaigne, appellé le
duc de Bresnie, contre le duc de Lencastre
pour paroles que le duc de Lencastre devoit
avoir dittes du duc de Bresnie, dont il
appella en la court du roy de France. Si
vindrent le dit jour ces deux ducs en
champ tous arméz pour combatre en
unes lices qui pour celle cause furent
faites ou Pré aux Clers. L’Alemant deman
dant et l’Englois defendeur. Et ja soit ce
que l’Englois feust ennemi du roy de France
et que par saufconduit il feust venu
soy combatre pour garder son honneur.
Toutesvoies le roy Jehan ne souffri pas
qu’ilz combatissent mais depuis qu’ilz eurent
fais les seremens et qu’ilz furent montéz
a cheval pour assembler, les glaives es
poings, le roy prist la besongne sur lui
et les mist a accort. Celle anne le jeudy
VIe jour de decembre mouru le pape
Clement VIe a Avignon, lequel estoit en
l’onzieme an de son pontificat. Et le mardi
ensuiant fu esleu en pape environ heure de
tierce I cardinal limozin que on appelles
par son tiltre le cardinal d’Ostie. Mais pour
ce qu’il avoit esté evesque de Clermont
on le nommoit le plus souvent le cardinal
de Clermont. Et fu appellé Innocent et
par son propre nom estoit appellé messire
Aubert. GCF 6-5 sync L’an mil IIIC LIIII, le VIIIe jour
de novembre asséz tost aprés le point
du jour, monseigneur Charles, roy de Navarre
et conte d’Evreux, fist tuer en la ville de
Laigle en Normandie en une hostelerie,
monseigneur Charles d’Espaigne, connestable de
France, en son lit par pluseurs gens d’armes.
Lesquelx le roy attendy au dehors d’icelle
ville en une granche jusques a ce qu’ilz
retournerent en sa compaignie. Si estoient
avec le roy si comme l’en disoit messire Phelippe

de Navarre son frere, messire Jehan, conte
de Harecourt, son frere monseigneur Loÿs de
Harecourt, messire Godefroy de Harecourt
leur oncle et plusieurs autres chevaliers,
tant de Normandie et de Navarre comme
autres. Puis se retrait le roy de Navarre
et sa compaignie en la ville d’Evreux et
la se garny et enforça. Et avec lui s’alierent
pluseurs nobles par especial de Normandie, c’est
assavoir les dessus nomméz de Harecourt,
le seigneur de Hambuie, messire Jehan
Malet, seigneur de Graville, messire Almauri
de Meulent et plusieurs autres. Tost
aprés se retrait le dit roy en sa ville de
Mante qui ja paravant avoit envoié
lettres closes a pluseurs bonnes villes du regne
de France et aussi au grant conseil du
roy de France. Par lesquelles il escripvoit
qu’il avoit fait mettre a mort le dit
connestable pour pluseurs grans meffais.
Et envoia le conte de Namur pardevers
le roy a Paris. Puis envoia le roy de
France en la ville de Mante pardevers le
roy de Navarre pluseurs grans hommes, c’est
assavoir messire Guy de Bouloingne car
dinal, monseigneur Robert le Coq evesque de Laon,
le duc de Bourbon, le conte de Vendosme
et pluseurs autres. Lesquelx traittierent
avec le dit roy de Navarre et son conseil.
Car ja soit ce que le dit roy eust fait
mettre a mort le dit connestable, il ne
lui souffisoit pas que le roy de France,
de qui il avoit espousé la fille, lui par
donnast ce fait, mais faisoit pluseurs
requestes au roy de France son seigneur.
Et cuida l’en bien ou royaume de
France que entre les deux roys deust
avoir grant guerre car le roy de Na
varre avoit fait grans aliances et
grans semonces en diverses regions,
si garnist et enforçoit ses villes et ses
forteresces. Finablement aprés pluseurs
traittiés fu fait accort entre les II roys
par certaines manieres dont aucuns des
poins s’ensuivent. C’est assavoir que le roy de France
bailleroit au roy de Navarre XXVIIIM livres
a Tournois de terre. Tant pour cause
de certaine rente que le roy de Navarre pb 120 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.