The Online Froissart

Facsimile mode Settings Browse | Collate

pb 120 v

a lui que vous ne le deussiés avoir fait
vous estes de son sang si prouchain comme
chascun scet, vous estes son homme et son
per et si avéz espousee madame sa fille
et de tant avéz plus mespriz. Toutesvoies
pour l’amour de mesdames les roynes qui
cy sont qui moult affectueusement l’en
ont prié et aussi pour ce qu’il tient que vous
l’avéz fait par petit conseil, il le vous par
donne de bon cuer et de bonne voulenté." Et
lors les dictes roynes et le roy de Navarre
qui mist le genouil a terre en mercierent
le roy. Et encore dist lors le dit cardinal
que aucun du lignaige du roy ou autre
ne se aventurast doresenavant de faire
telz fais comme le dit roy de Navarre avoit
fait car vraiement s’il avenoit, et feust
le filz du roy qui le feist du plus petit
officier que le roy eust, si en feroit il
justice. Et ce fait le roy se leva et la court
se departy. Item le XXIe jour de mars
ensuiant, un chevalier banneret des basses
marches appellé Regnaut de Prissigny,
seigneur de Marant pres de La Rochelle,
fu trainé et puis pendu au gibet de
Paris par le jugement de Parlement et de
pluseurs autres du grant conseil du roy.
GCF 6-7 sync L’an mil IIIC LIII environ le mois d’aoust
reconssillierent au roy de France les dis
conte de Harecourt et monseigneur Loÿs son
frere. Et lui deurent reveler moult de
choses si comme l’en disoit et par especial
tout le traittié de la mort du connestable.
Et ou mois de septembre ensuiant se party
de Paris le dit cardinal de Bouloingne
et s’en ala a Avignon. Et disoit l’en qu’il
n’estoit point en la grace du roy, ja soit
ce que par l’espace d’un an il eust esté
avec le roy moult privé. En ce temps
se absenta du royaume de France messire
Robert de Lorris, chambellan du roy car
le roy estoit moult esmeu contre lui
mais la cause fu tenue secrete. Toutes
voies disoit l’en qu’il deust avoir sceu la
mort du dit connestable avant qu’il feust
miz a mort et qu’il devoit avoir revelé
au roy de Navarre aucuns consaulx se
créz du roy de France. Et que ces choses

furent revelees au roy par les dis
conte et messire Loÿs de Harecourt. Environ
le moys de novembre ensuiant, le roy de Navarre
se party de Normendie et s’en ala en divers
lieux jusques a Avignon. En ce mois
se partirent de Paris l’arcevesque de
Rouen, chancellier de France, le duc de
Bourbon et pluseurs autres pour aler en
Avignon. Et y alerent le duc de Lencastre
et pluseurs autres Englois pour traittier de
paix devant le pape entre les roys de
France et d’Engleterre. GCF 6-8 sync Ce meisme mois
se parti le roy Jehan de Paris et ala en Nor
mandie jusques a Caen. Et fist mectre
en sa main toutes les terres du roy de
Navarre et instituer officiers depar lui
et mettre gardes es chasteaux du roy
de Navarre. Escepté en VI, c’est assavoir
Evreux, Pontaudemer, Cherebourc, Gavray,
Avranches et Mortaing. Lesquelx ne lui
furent pas renduz car il avoit dedens
Navarrois qui respondirent a ceulx
que le roy de France y envoia qu’ilz ne
les renderoient fors au roy de Navarre
leur seigneur qui les leur avoit bailliés
en garde. Ou mois de janvier ensuiant
vint a Paris messire Robert de Lorris par
saufconduit, si parla au roy mais il ne
fu pas reconcillié a plain mais retourna
en Avignon par l’ordonnance du conseil
du conseil du roy pour estre aux traitiés
avec les gens du roy. Et en la fin de
fevrier ensuiant vindrent nouvelles que les
treves qui avoient esté prises jusques
en avril ensuiant estoient esloingies par le
pape jusques a la Nativité saint Jehan
Baptiste pour ce que le pappe n’avoit peü
trouver voie de paix. Et envoia le pape
messages pardevers les dis roys sur une
autre voie de traittié que celle qui avoit
esté pourparlee entre les dis traitteurs.
GCF 6-9 sync Cel an ou mois de janvier fist le roy de
France florins de fin or si avoit en l’apelle
un aignel et estoient de LII ou marc. Et
le roy en donnoit lors qu’ilz furent fais
XLVIII pour I marc de fin or. Et defendy
l’en le cours de tous autres florins. En
ce mois vint a Paris messire Gauchier de
Lor, chevalier comme message du roy de Navarrepb 121 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.