The Online Froissart

Facsimile mode Settings Browse | Collate

pb 123 v

Gousac et messire Hustin de Vremelles et
y eut faite mainte belle appertise d’armes.
Si s’en partirent les Englois sans autre
chose faire et vindrent a Ysodon, un fort
chastel en Berry, qu’ilz assaillirent roide
ment. Et la se recueilla tout l’ost mais ilz
n’y peurent riens gaingnier car les gen
tilzhommes qui dedens estoient le gar
derent tresbien. Si passerent oultre les
Englois leur chemin prendrent vers Vierson,
une grosse ville et fort chastel mais la dicte
ville estoit foiblement fermee et pou de
gens y estoient demouréz pour la defendre.
Si fu prise de force des Englois qui bien
la trouverent garnie de vivres, si y se
journerent III jours pour eulz respasser.
La vindrent les nouvelles au prince de
Galles que le roy de France estoit en la
cité de Chartres a grant plenté de gens
d’armes et que toutes les villes et les
passages dessus la riviere de Loire estre
si bien gardéz que nullement ilz ne
pourroient passer ycelle riviere. Si eut
le dit prince conseil qu’il se mettroit au
retour et passeroit parmy Touraine et
Poitou et revenroit tout en guerroiant
et exillant le paÿs a Bourdeaux dont
il s’estoit party. Si s’ordonnerent pour
deslogier de Wirson quant ilz eurent fait
leur talent du chastel qu’ilz conquistrent
en leur sejour et occirent la plus grant
partie de ceulx qui dedens furent trouvéz.
Puis chevaucierent pardevers Roumorentin.
Adont estoient envoiéz depar le roy Jehan
III tresbons chevaliers et grans barons
ou paÿs de Berry pour garder les frontieres
et aviser le couvenant des Englois. C’estoient
le sire de Craon, messire Bouciquaut et l’Ermite
de Chaumont. Et avint ainsi que ces trois
avec leur route ou bien avoit IIIC lances
chevauçoient sur les frontieres en costoiant
les Englois. Et les avoit poursuis ja par
VI jours et n’avoient peü trouver leur
avantage d’entrer en eulx ne assaillir
car les Englois chevauçoient si sagement
que on ne les pouoit envahir de nul
costé ou on peust riens gaingnier. Si se
bouterent les dessus dis un jour en une
embusche asséz pres de Roumorentin sur

un pas qui estoit asséz merveilleux et
par ou il couvenoit les Englois passer.
Ce jour s’estoient departiz des routes
du prince et de la bataille des mares
chaux et de leur congié messire Berthlemi
de Bruhes, le sire de Montident, Gascoings,
monseigneur Petiton Corton, le sire de la Ware,
le sire de Basset, messire Daniel Pasele, messire
Richart de Pontchardon, messire Noel
Lorinch, le joenne sire Despensier, messire
Edouart, sire de Basset et messire Eustace d’Au
brecicourt. Si venoient tous ces chevaliers
bien montéz et pouoient estre parmy
leurs gens environ IIC pour courir
devant Roumorentin. Ilz passerent
parmy l’embusche des François que onques
ne s’en donnoient de garde. Si tost qu’ilz
furent oultre, les François ouvrirent
leur embusche et ferirent chevaux des
esporons qui estoient aussi montéz sur
fleur de coursiers et de roncins roides
et appers. Les Englois qui ja estoient
bien avant oirent l’effroy et apparceurent
que c’estoient leurs ennemiz si s’arresterent
tout a I fais. Les François venoient
de grant voulenté tous serréz les lances
abaissies et se bouterent es Englois,
lesquelx adont se ouvrirent et les
laissierent passer oultre. Et n’en y eut
des leurs non plus de VI de celle
empainte ruéz par terre. Puis tantost
se recloirent et vindrent sur leurs
ennemiz. La eut tout a cheval bon
poingneis et fort estequeis des lances
et dura le bouteis longuement. Si y
eut fait mainte prouesce maint chevalier
et escuier d’un costé et d’autre abatu
et puis par force relevéz et rescous. Et
dura ceste chose une grant espace que
on ne sceut lesquelx en aroient le meilleur
tant estoient fort entouilliés l’un en l’autre
et tant se combatoient vaillemment. En
dementiers qu’ilz estoient en cel estat
les mareschaux englois et leur bataille
commencierent approuchier. Quant
les François l’apparceurent si se partirent
qui mieulx mieux et s’adrecierent vers
Roumorentin et les Englois aprés eulz
ferant et batant sans eulx espargnier pb 124 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.