The Online Froissart

Facsimile mode Settings Browse | Collate

pb 137 r

chaingles du chastel. Quant ilz eurent la
este une espace et que le chevalier avoit ja
oy sonner un petit cor si comme ordonné avoit,
il dist au chastellain : "Ralons, ralons, oultre
ceste porte, mon valet venra tantost." Adont
repassa le chevalier ce second guichet et
le chastellain voulant passer aprés mist le
pié oultre et baissa la teste pour yssir.
Lors prist le chevalier celle hache qu’il
avoit muciee soubz son mantel et fiert
le chastellain en la teste telement qu’il lui
poursent jusques aux dens. Puis vint
a la premiere porte si la defferma. La
gaite du chastel avoit oy sonner le cornet
du vallet dont il s’esmerveilloit durement
que ce pouoit estre car on avoit fait un ban
en la ville que sur le poing a perdre on ne
sonnast nul cornet. Encore fu il plus esbay
quant il vit gens tous arméz courir vers
la porte du chastel si corna tantost : "Trahi,
trahi!" Adont furent tous esbahiz ceulx
qui dedens le chastel estoient, si avalererent
vers la porte et la trouverent ouverte et
le chastellain mort couchié de travers et
messire Guillaume de Gauville, la hache ou
poing d’autre part qui gardoit l’entree.
Tantost vindrent ceulx qui estoient establiz
pour aidier au dit messire Guillaume a faire
son emprise. Lesquelx entrerent en la porte
puis vindrent a la seconde porte et rebou
terent fierement les soudoiers. Si en y
eut plusieurs occiz et pris. Ainsi fu re
conquiz le fort chastel d’Evreux. Si se rendy
tantost la cité et la ville aussi. Et bouterent
hors tous les François et manderent messire
Phelippe de Navarre, qui de nouvel estoit retournéz
d’Engleterre et arrivé a Chierbourc, lequel
se vint bouter a grant foison de gens d’armes
dedens Evreux. Et en fist sa souveraine gar
inson pour guerroier le bon paÿs de Nor
mandie. Et se tenoit avec lui messire Robert
Canolle, messire Pipes, messire Friques de
Friquant, le Bascle de Maruel, messire Jehan
Joyel, messire Fourdrigais et pluseurs autres
appers hommes d’armes qui puis firent
maint meschief ou royaume de France. SHF 1-408 sync Le
commencement des grans compaignes
qui alerent destruisant le royaume de
France.

En ce temps prist un chevalier appellé monseigneur
Regnaut de Cernole et communement
l’Archeprestre une grant compaignie de gens
d’armes assembléz de tous paÿs qui virent
que leurs soudees estoient faillies puis
que le roy de France estoit pris, si ne savoient
ou gaingnier en France. Si s’en alerent pre
mierement devers Prouvence la eschielerent
et prindrent pluseurs fortes villes et chasteaux
et desroberent tout le paÿs jusques en
Avignon et environ Avignon. Et n’avoient
autre cappitaine que le chevalier dessus
dit dont le pappe Innocent VIe qui adont
demouroit en Avignon et tous ses cardinaux
avoient telle doubtance de leurs corps
qu’ilz faisoient nuit et jour armer leurs
familles. Quant cil Archeprestre et ses
gens eurent pillié et robé tout le paÿs,
le pape et le college qui n’estoient mie
bien asseurs firent traitier devers l’Ar
cheprestre et vint sur bonne condition en
Avignon et la plus grant partie de ses
gens. Et fu aussi reveremment receu comme
s’il eust esté filz du roy de France. Et disna
par pluseurs fois au palais deléz le pape et
les cardinaux et lui furent pardonnéz
tous ses pechies. Et au partir on lui
livra XLM escus pour departir a ses
compaignons. Si s’espardirent ses gens
mais toudiz se tenoient de la route de
l’Archeprestre. SHF 1-409 sync De Robert Canolle et de Ruffin.
Encore en ce temps se leva une autre
compaignie de gens d’armes et
de brigans assembléz de tout paÿs qui
conqueroient et desroboient de jour en
jour tout le paÿs entre la riviere de
Loire et la riviere de Saine, par quoy nul
n’osoit aler entre Paris et Vendosme, ne
entre Paris et Orleans, ne entre Paris et
Montargiz, ne nul ny osoit demourer.
Ains estoient les gens du plat paÿs afuiés
a Paris ou a Orleans. Et avoient ces dis
compaignons fait un cappitaine d’un Gallois
qui avoit nom Raffin, si le firent faire chevalier.
Lequel devint si riche et si puissant d’avoir
que on n’en peut savoir le nombre. Et
chevauçoient souvent ces dicte compaignes
pres de Paris un jour vers Orleans, l’autre
jour vers Chartres. Et ne demoura place, pb 137 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.