The Online Froissart

Facsimile mode Settings Browse | Collate

pb 138 r

qui moult l’amoit. Et par quel pourchas il
estoit delivréz lui empetra et conferma
sa paix devers le duc et ceulx de Paris. Si
fu le dit roy de Navarre amené par monseigneur
Jehan de Piquegny et aucuns bourgois
d’Amiens. Et fu adonc voulentiers veü a
Paris de toutes manieres de gens le duc
de Normandie le festoia grandement mais
faire lui couvenoit car le prevost des
marchans et ceulx de sa secte lui enhorterent
a faire. SHF 1-412 sync Comment le roy Charles de Na
varre sermonna au peuple parisien.
Quant le roy de Navarre eut esté
une espace a Paris, il fist un jour
assembler toutes manieres de gens, prelas,
chevaliers, clers de l’université et de tous
ceulx qui y voudrent estre. La prescha
et remoustra premierement en latin moult
sagement present le duc de Normandie en lui
compaignant des griefs et villeines que
on lui avoit fait a grant tort et sans raison.
Et dist que nul ne se voulsist de lui doubter
car il vouloit vivre et mourir en defendant
le royaume de France et le devoit bien faire
car il en estoit extrait de pere et de mere
et de droite ancesserie. Et donna adont asséz
a entendre que s’il vouloit chalengier la
couronne de France il moustreroit bien par
droit qu’il en estoit plus prouchain que le
roy d’Engleterre. Et sachiés que son langaige
fu voulentiers oyz et recommandéz. Ainsi petit
a petit entra il en l’amour de ceulx de Paris
tant qu’ilz avoient plus de faveur et
d’amour en lui qu’ilz n’eussent ou regent
le duc de Normandie. Et aussi de pluseurs
autres bonnes villes et citéz du royaume
de France mais quel semblant ne quelle
amour que le prevost des marchans ne
ceulx de Paris moustrassent au roy de
Navarre onques messire Phelippe de Navarre, ne
si peust assentir ne ne vouloit venir a
NotaParis. Ains disoit que en communauté n’avoit
nul certain arrest, fors que pour tout
honnir. SHF 1-413 sync Le commencement de la Jaquerie de Beauvoisiz.
Asséz tost aprés la delivrance du roy
de Navarre avint une merveilleuse
grande tribulation en plusieurs parties
du royaume de France si comme en Beauvoisiz,

en Brie et sur la riviere de Marne, en Laonnois,
en Valois, en la terre de Coucy et entour
Soissons. Car aucunes gens des villes
champestres sans chief s’assemblerent en
Beauvoisiz et ne furent mie C hommes les
premiers. Et distrent que tous les nobles du
royaume de France, chevaliers et escuiers
honnissoient et trahissoient le royaume
de France et que ce seroit grant bien qui
tous les destruvoit. Et chascun d’eulx dist :
"Il dist voir, il dist voir, honny soit cil par
qui il demourra." Lors se cueillirent et
s’en alerent sans autre conseil et sans
nulle armeure fors que de bastons ferréz
et de couteaux en la maison d’un chevalier qui
pres de la demouroit. Si brisierent la maison
et tuerent le chevalier, la dame et les
enfans petiz et grans et ardirent la
maison. Secondement ilz alerent a un autre
fort chastel, si prindrent le chevalier et
le lierent a une estache bien et fort et vio
lerent sa femme et sa fille les plusieurs
voiant le chevalier. Puis tuerent la dame
qui estoit ecainte et sa fille et tous les
enfans et aprés le chevalier a grant
martire et destruirent le chastel. Ainsi
firent ilz en plusieurs chasteaux et
bonnes maisons. Et multiplierent tant
qu’ilz furent bien VIM et par tout la ou
ilz venoient leur nombre croissoit car
chascun de leur semblance les suivoit.
Par quoy tous chevaliers, dames, escuiers,
leurs femmes et leurs enfans les fuioient.
Si emportoient les dames et damoiselles,
leurs enfans X ou XX lieues loing ou ilz
se pouoient garantir. Et laissoient leurs
maisons toutes vagues et leur avoir
dedens. Et ces meschans gens assembléz
sans chief et sans armeures roboient
et ardoient tout et occioient tous gentilz
hommes qu’ilz trouvoient et enforcoient
toutes dames et pucelles sans pitié et
sans mercy comme chiens enragiés. Car
qui plus faisoit de maulx et plus vilains
fais telz que creature ne deveroit oser
penser. Cil estoit le plus prisé entr’eulx
et le greigneur maistre je n’oseroit escripte
les horribles fais qu’ilz faisoient aux pb 138 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.