The Online Froissart

Facsimile mode Settings Browse | Collate

pb 139 r

SHF 1-415 sync Des Jaques qui furent occiz a Meaux.
En ce temps que ces mescheans gens
couroient revindrent de Prusse le
conte de Fois et le Captal de Beus son cousin.
Si entendirent sur le chemin, si comme ilz
devoient entrer en France, la pestilence et
l’orribleté qui couroit sur les gentilzhommes.
Ces II seigneurs qui en eurent grant
pitié chevaucierent par leurs journees
tant qu’ilz vindrent en Champaigne a Cha
lons qui riens ne se mouvoit du fait des
vilains ne point n’y entroient. La leur fu
dit que la duchesse de Normandie et la
duchesse d’Orleans a bien IIIC dames et
damoiselles et le duc d’Orleans aussi estoient
a Meaux en Brie en grant meschief de cuer
pour celle jaquerie. Ces II bons chevaliers
s’acorderent qu’ilz yroient veoir ces dames
et les reconforteroient a leur pouoir. Si
estoit le Captal de Beus Englois, mais il
estoit pour ce temps treves entre le regne
d’Engleterre et cellui de France. Si porent
bien estre de leur route XL lances. Tant
chevaucierent qu’ilz vindrent a Meaux
en Brie. Si alerent tantost devers la du
chesse de Normandie et les autres dames
qui furent moult liéz de leur venue car
tous les jours elles estoient menaciees des
Jaques et des vilains de Brie et de ceulz de
la ville aussi. Et pour ce qu’ilz savoient
qu’il avoit la foison de dames et damoiselles
et de joennes gentilz enfans, ilz s’assemblerent
et ceulx de la conté de Valois aussi et
vindrent devers Meaux. D’autre part ceulx
de Paris qui bien savoient ceste assemblee
se partirent un jour de Paris par troppeaux
et vindrent avec les autres si furent
bien IXM en grant voulenté de mal faire
et toudiz leur croissoient gens de divers
lieux et de pluseurs chemins qui se racor
doient a Meaux et vindrent jusques
aux portes de la ville. Et ces mescheans
gens de la ville ne vouldrent contredire
l’entree a ceulx de Paris mais ouvrirent
leurs portes. Si entrerent ou bourc si grant
plenté que toutes les rues en estoient
couvertes jusques au marchié.

SHF 1-416 sync

Miniature

Quant ces nobles dames qui
estoient herbergiees ou mar
chié de Meaux, qui est asséz
fort mais qu’il soit gardé
et defendu, car la riviere
de Marne l’environne, virent si grant
multitude de gens acourir sur elles, ilz
furent moult effraiees mais le conte de
Fois et le Captal de Beus et leurs routes qui
ja estoient tous arméz se rengierent sur le
marchié et vindrent a la porte du marchié
qu’ilz furent ouvrir toute arriere. Puis se
mistrent au devant de ces vilains qui estoient
mal arméz et la baniere du conte de Fois
et ceste du duc d’Orleans et le pennon du
Captal et les glaives et espees en leurs mains
et bien appareilliés d’eulx defendre et de
garder le marchié. Quant ces meschans
gens les virent ainsi ordonnéz combien
qu’ilz n’estoient mie foison contre eulx, ilz ne
furent mie si forsennéz comme devant
mais se comencierent les premieres a reculer.
Et les gentilzhommes a eulx poursuivir
et sur eulx lancier de lances et d’espees
et les abatre. Adont ceulx qui estoient
devant et qui s’entoient les horions ou
qui les resongoient avoir reculoient de
hideur tout a une fois et cheoient l’un
sur l’autre. Lors yssirent toutes manieres
de gens d’armes hors des barrieres. Tantost
gaingnoient la place. Entre ces meschans
gens se bouterent a monteaux les aba
tirent, comme bestes les tuoient. Tous
les rebouterent hors de la ville que onques
nul d’eulx n’y tint ordonnance ne conroy. pb 139 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.