The Online Froissart

Facsimile mode Settings Browse | Collate

pb 13 v

ce ne fu mie granment. Et retourna arriere
devers ses compaignons en la montaigne. De
puis n’y ot riens fait mais toutez les nuis les
Englois faisoient grans guais et fors, qui se
doubtoient du resveillement des Escos et avoient
miz gardes et escoutes en certains lieux par quoy
se ilz sentissent ne oissent riens, qu’ilz le signi
fiassent en l’ost. Et gisoient presque tous les
seigneurs en leurs armeures. Et tous les jours
y avoit des escarmuches et escarmuchoit qui
escarmuchier vouloit, si en y avoit souvent des
mors, des pris, des navréz, des bleciés et des
mesaisiés, des uns et des autres. SHF 1-37 sync Comment
les ostz des Englois et des Escos se departi
rent sans bataille. Le derrain
jour des XXII fu pris un chevalier d’Escoce
a l’escarmuche qui moult a enviz vouloit dire
aux seigneurs d’Engleterre la contenance des siens.
Si fu il tant enquiz et examinéz qu’il dist que
leurs souverains avoient ordonné entre eulx
le matin que chascun fust armé a vespre et que
chascun sivist la baniere monseigneur Guillaume de Douglas,
quel part qu’il vouldroit aler, et que chascun le
tenist en secret, mais le chevalier ne savoit de certain
qu’ilz avoient enpensé. Sur ce orent les seigneurs
d’Engleterre conseil ensemble et aviserent que
selon ces paroles les Escos pourroient bien par
nuit venir brisier et assaillir leur ost a deux
costéz pour eulx mettre en aventure de vivre
ou de mourir, car plus ne pouoient endurer
leur famine. Si ordonnerent les Englois entre
eulx III batailles et se rengierent en III pieces
de terre devant leurs logeis. Et firent grant
foison de feux pour veoir plus loing entour
eulx et firent demourer tous leurs garçons
en leurs loges pour garder leurs chevaux, si
se tindrent ainsi celle nuit tous arméz chascun
desoubz sa baniere ou son panoncel, si comme
il estoit ordonné, pour attendre l’aventure
car ilz esperoient asséz bien selon les paroles
du chevalier que les Escos les resveilleroient
mais ilz n’en orent nul talent, ainçois firent
par autre ordonnance bien et sagement. Quant
ce vint sur le point du jour II trompeurs d’Escoce
s’embatirent sus l’un des gens qui guettoient
aux champs, si furent pris et amenéz devant
les seigneurs du conseil du roy et distrent :
"Seigneurs, que guettiés vous cy? Vous perdéz
le temps car sur l’abondon de noz testes, les
Escos en sont raléz tres devant la mienuit et

sont ja IIII ou V lieues loing et nous
emmenerent avec eulx bien une lieue
loings pour doubtance que nous ne le
vous noncissions et puis nous donnerent
congié de le venir dire." Et quant les Englois
entendirent ce, ilz orent conseil et virent
bien qu’ilz estoient deceuz en leur cuidier.
Et distrent que le chacier aprés les Escos
ne leur pouoit riens valoir car on ne
les pourroit raconsuir, et encore pour
doubtance de deceuement, les seigneurs detin
drent les deux trompeurs tous quois et
les firent demourer deléz eulx et ne rom
pirent point leur ordonnance ne l’establis
sement de leurs batailles jusques aprés
prime. Et quant ilz virent que c’estoit
verité et que les Escos estoient partiz ilz
donnerent congié a tout homme de retraire
a sa loge et de lui aisier et les seigneurs
alerent a conseil pour regarder que on
feroit. Endementiers aucuns des compai
gnons englois monterent sur leurs
chevaux et passerent la dicte riviere en
grant peril et vindrent par dessus la mon
taigne dont les Escos estoient la nuit
partiz et trouverent plus de VC grosses
bestes grasses tantost mortes que les Escos
avoient tuéz pour tant qu’ilz furent
pesans et ne les peussent suir. Et si ne
les vouloient mie laissier vives aux
Englois. Et si trouverent plus de CCC
chaudieres faites de cuir atout le poil
pendues sus le feu, plaines de chair et
d’eaue pour faire boulir et plus de M
hastiers, plains de pieces de chair pour
rostir et plus de XM vieulx soulers uséz,
fais de cuir tout cru atout le poil que
les Escos avoient la laissiés et trouverent
V povres prisonniers englois que les
Escos avoient liéz tous nuz aux arbres
par despit. Et II qui avoient les jambes
brisees, si les deslierent et laissierent aler
et puis revindrent en l’ost si a point que
chascun se deslogoit et ordonnoit pour
raler en Engleterre par l’accort du roy et
tout son conseil. Sy suirent tout ce jour
les banieres des mareschaux et vindrent
logier de haute heure en un beau pré ou
ilz trouverent asséz a fourer pour leurs
chevaux, qui leur vint bien a point. Car pb 14 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.