Saint Honnoré, d’encontre trouverent
ces Englois ou fons d’un chemin qui estoient
bien IIIIC d’une sorte. Lesquelx escrierent
tantost ces François et se ferirent entr’eulz
de grant voulenté. Si en y eut de premiere
venue abatuz plus de IIC. Les François ne
tindrent point de conroy mais se mistrent
en fuite et se laissoient occire ainsi comme
bestes. En la chace en y eut occiz plus de VIIC
et furent poursuiviz jusques dedens les
barrieres de Paris. L’endemain au matin
les amis de ceulz qui tuéz estoient yssirent
de Paris pour aler requerre les corps a
charrettes mais les Englois avoient miz
une embusche sur les champs, si en tuerent
et mehaignierent derechief plus de VIXX.
En tel meschief estoient cheüz ceulx de
Paris qu’ilz ne se savoient de qui garder.
Si vous dy qu’ilz estoient nuit et jout en
grant souspeçon car le roy de Navarre
se refroidoit d’eulx aidier pour la cause
de la paix qui avoit estre juree et pour
l’outrage qu’ilz avoient fait des soudoiers
englois qu’il avoit envoié a Paris, si con
sentoit bien que ceulx de Paris en feussent
chastiéz. Afin qu’ilz amendassent plus
grandement ce forfait. D’autre part le duc
de Normandie aussi le souffroit asséz pour
tant que le prevost des marchans avoit
encore le gouvernement d’eulx. Et leur
escripsoit que nulle paix ne leur tenroit
jusques a tant que X hommes de Paris,
lesquelx qu’il vouldroit eslire, il aroit a
sa voulenté. Si estoit le prevost des mar
chans et ceulx qui se sentoient meffait,
a malaise et bien veoient que ceste chose
ne pouoit longuement demourer en cel estat
car ceulx de Paris estoient moult refroidiés
de l’amour qu’ilz avoient eue au prevost.
SHF 1-421 sync La mort Estienne, prevost des mar
chans de Paris, et de ceulx de sa secte.
Le
prevost des marchans et ceulx
de sa secte avoient entr’eulx
souvent pluseurs secréz consaulx savoir
comment ilz se pourroient maintenir car
par nul moien ne pouoient trouver mercy
ou duc de Normandie, qui les esbahissoit
plus que autre chose. Si regarderent
finablement qu’il valoit mieux qu’ilz pb 141 r