The Online Froissart

Facsimile mode Settings Browse | Collate

pb 142 r

parmy le royaume de France. Et prenoient
a la fois sur l’adjournement les chevaliers
et les dames en leurs liz, si les raençonnoient
ou prenoient tout le leur. Puis les boutoient
hors de leurs maisons. De la ville de Cray
sur Oise estoit souverain un moult appert
chevalier navarrois appellé Fourdrigais.
Cil donnoit les saufconduis a toutes gens
qui vouloient aler de Paris a Noion ou de
Noion a Compiengne ou de Compiengne a
Soissons ou a Laon et ainsi sur les marches
voisnes. Et lui valurent bien les saufcon
duis le terme qu’il se tint a Cray CM
frans. Ou chastel de Herielle se tenoit
messire Jehan de Piquegny, un chevalier
de Picardie et bon Navarrois. Ses gens
constraingnoient durement ceulx de
Mondidier, d’Amiens, d’Arras, de Pieronne
et tout le paÿs de Picardie selon la riviere
de Somme. Ou chastel de Mauconseil si
avoit environ IIIC combatans desquelz
Rabigos de Dury, Richart Franquelin et
Hennequin François estoient cappitaines.
Ceulx couroient tous les jours sans faute
et pilloient tout le paÿs environ Noyon.
A ces cappitaines s’estoient rachetees toutes
grosses villes non fermees environ Noion
a paier une quantité de florins les sepmaines,
et autant bien les abbaies. Autrement
ilz eussent esté tout ars et destruit car
ilz estoient trop cruels sur leurs ennemiz.
Par telles manieres de gens demourerent
les terres vagues ne nul ne les labouroit
dont depuis un tres chier temps en nasqui
ou royaume de France.
SHF 1-423 sync Le mandement de monseigneur le
regent contre les Navarrois.
Quant le duc de Normandie, qui
se tenoit a Paris, entendy que
ces gens d’armes essilloient le paÿs au
tiltre du roy de Navarre et qu’ilz multipli
oient trop grossement de jour en jour,
si s’avisa qu’il pourverroit de remede
car par telz gens se pourroit perdre le
royaume de France, dont il estoit hoir. Et
envoia par toutes les citéz et bonnes villes
de Picardie et de Vermendois en priant
que chascune selon sa quantité lui vousist

envoier une somme de gens d’armes a pié
et a cheval pour resister a l’encontre de ces
Navarrois. Ce firent voulentiers les
citéz et bonnes villes et se taillierent
chascune selon son aisement de gens
d’armes a pié et a cheval d’archiers et
d’arbalestiers et se trairent premierement
pardevers la bonne cité de Noion et droit
devant la garnison que on dit de Mau
conseil, pour ce qu’il leur sembloit que c’estoit
le plus legier a prendre des fors que les
Navarrois tenoient, et qui plus herioit
ceulx de Noion et le bon paÿs de Vermendois.
Si furent cappitaines de toutes ces gens
d’armes et communes l’evesque de Noyon,
messire Raoul de Coucy, le sire de Raineval,
le sire de Kauny, le sire de Roye, messire
Manieu de Roie son cousin et messire Baud
ouin Dennekin, maistre des arbalestiers.
Et avoient ces seigneurs avec eulx
pluseurs chevaliers et escuiers de Vermendois,
de Picardie et de la environ. Si assegierent
de grant voulenté Mauconseil et y firent
maint assaut et constraingnoient moult
ceulx qui dedens estoient. Lesquelx virent
bien qu’ilz ne pourroient longuement
ainsi demourer si escriprent leur povreté
a messire Jehan de Piquegni, qui se tenoit
en la Herielle et a qui toutes ces gens
et forteresses obeissoient. Lors manda
messire Jehan de Piquegny a ceulx de
la garnison de Cray que a un certain
jour ilz feussent sur les champs en un
lieu qu’il leur assigna car il vouloit
chevaucier. Quant furent assembléz,
ilz se trouverent bien M lances de bons
combatans. Si chevaucierent de nuit
ainsi que guides les menoient et vindrent
sur un adjournement devant Mauconseil.
Celle matinee faisoit si grant bruine
que on ne pouoit veoir un arpent de terre
loing.

S’ensuit la bataille qui fu devant
le chastel de Mauconseil.

pb 142 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.