eut de mors plus de XVC et par especial
ceulx de Tournay y perdirent grossement
car ilz estoient la venuz en grant estoffe en
bon arroy et riche mais de VIIC qu’ilz furent
ilz en retournerent petit que tous ne
feussent mors ou priz. Car ceulz de Mau
conseil yssirent aussi qui paraidierent a
parfaire la desconfiture, qui fu l’an de Grace
mil CCC LVIII, le mardy prouchain aprés
la Nostre Dame en my aoust, qui fu adont par
un samedy. SHF 1-424 sync Comment les Navarrois ra
ençonnerent leurs prisonniers.
Ceste desconfiture enorgueilli si les
Navarrois qu’ilz chevaucierent
par tout le paÿs a leur voulenté. Et enme
nerent la plus grant partie de leurs
prisonniers a Cray pour tant qu’il y a
bonne ville et forte et bien seant et con
quistrent la tresgrant avoir tant en
joyaux comme en prisonniers qu’ilz raen
çonnerent puis bien et fort, si devindrent
les compaignons si riches et si joliz que
merveilles. Et raençonnoient ces bour
gois de Tournay et d’autres villes, a
selles estoffees bien et friquement, a
fers de glaives, a haches et a espees, a
jacques, a gipons ou a housiaux et
a toutes manieres d’ostilz qui leur
besongnoit. Les chevaliers et escuiers
raençonnoient asséz courtoisement
a mise d’argent ou a courtiers ou a
roncins. Ou d’un povre gentilhomme
qui n’avoit de quoy riens paier, ilz pre
noient bien le service d’un quart d’an
ou II ou III ainsi qu’ilz estoient d’acort.
De vins, de vivres avoient ilz asséz et
de toutes pourveances largement car
le plat paÿs leur en delivroit asséz par
cause de redemption. Ne riens n’aloit
es bonnes villes fors en larrecin ou par
bon saufconduit qu’ilz vendoient bien et
chier. Et ce tenoient ilz entermement
excepté III choses, chappeaux de buenes,
plumes d’ostruce et fers de glaives. On
ques ilz ne vouldrent mettre ces trois
jolietéz ne accorder en leurs saufconduis.
Si firent ceulx de Mauconseil depuis
ceste avenue asséz plus de mauls que pb 143 r