sur la rue grant quantité de feux.
Quant messire Jehan de Piquegny
entendy la venue d’iceulx, il senti qu’ilz
pouoient plus perdre que gaingnier si
retray ses gens au plus courtoisement
qu’il peut et donna conseil du retourner.
Dont se recueillirent les Navarrois et
ceulx de leur costé tout ensemble et firent
sonner leur retraite mais ilz pillierent
et coururent ainçois tout le bourc dont
ce fu trop grant dommage. Car il y eut
plus de IIIM maisons et des bons hostels
grant foison et de belles eglises, parois
ceaux et autres qui toutes furent arses
ne riens ny eut deporte mais le feu
n’entra point en la cité. Ainsi retournerent
les Navarrois qui emmenerent grant
avoir et foison de prisonniers si alerent
arriere en leurs garnisons. SHF 1-426 sync La pestilence
qui fu ou regne de France pour la guerre
du roy Charles de Navarre.
Quant les Navarrois furent tous
retrais, le connestable de France
et le conte de Saint Pol son nepveu s’y
departirent leurs gens et les envoierent
par toutes les portes et leur commanderent
sur la hart qu’ilz ne laissassent nul
homme vuidier hors de la ville. L’endemain
au matin ces II seigneurs et aucuns
bourgois de la ville qui congnoissoient
le maniement d’icelle firent decapiter XVII
bourgois coupables de ceste traison et
avec eulx l’abbé du Gart. Tost aprés
pour cas semblable furent trainéz et jus
ticiés en la bonne cité de Laon VI des plus
grans bourgois de la ville. Et se l’evesque
du lieu eust esté tenu mal pour lui car
il en fu accusé et puis ne s’en peut escuser
mais il eut amis en voie qui lui noncierent,
par quoy il se parti secretement et vint
au roy de Navarre a Meleun qui le reçut
liement. Ainsi ne se savoit on de qui
garder en France. En ce temps que le duc
de Normandie et ses freres se tenoient
a Paris n’osoit nul marchant ne autre
yssir de Paris en leurs besoingnes. Car
le royaume estoit si raempli de Navarrois
qu’ilz estoient maistres du plat paÿs et