The Online Froissart

Facsimile mode Settings Browse | Collate

pb 144 r

les jours y avoit aucune chose de nouvel
car les joennes chevaliers et escuiers
de l’ost se aloient la esprouver de grant
voulenté. Et bien trouvoient a qui parler
car messire Guillaume de Bonnemare et Jehan
Segure et aucuns compaignons de leans
venoient jusques aux barrieres de leur
forteresce lancier et escarmuchier a ceulz
de l’ost bien et hardiement. Si en y avoit
de bleciés et de navréz a la fois des uns
et des autres. Et pouoient bien estre ceulx
de Saint Walery IIIC combatans sans
ceulx qui estoient de la nation de la ville
qu’ilz faisoient combatre et eulx aidier
autrement ilz eussent mal fine. Et y
firent les seigneurs qui la estoient acha
rier les engins d’Amiens, d’Abbeville et
asseoir pardevant qui y gettoient grosses
pierres. Aussi ceulx de Saint Walery a
voient des bons canons et espringales
dont ilz traveilloient ceulx de l’ost. En
ce temps que le siege se tenoit la et que
le roy de Navarre guerrioit de tous
costéz le royaume de France, arriva a
Chierbourc son cousin le Captal de Beus
un tresappert chevalier. Et vint adont
en Normandie en instance d’aidier le dit
roy qui l’en avoit prié et retenu a gaiges
a IIC lances. Si tost que le Captal fu venu
en Normandie, il se mist aux champs et
chevauça tant par la terre du roy de
Navarre qu’il vint a Mante. La trouva
il messire Phelippe de Navarre son cousin qui
lui fist grant chiere et le recueilla lie
ment et fu avec lui, ne sçay quans jours.
Puis s’en parti secretement atout ses
compaignons et chevauça tant sur une
nuit parmy le bon paÿs de Vexin et de
Beauvoisiz qu’il vint a Clermont en
Beauvoisin une grosse ville neant fermee
et bon chastel voire d’une tresgrosse tour
qu’il y a et chaingles environ. Le Captal
ains son departement de Normandie
avoit avisé celle forteresse a prendre,
si lui chey si bien que sur un adjour
nement ses gens prindrent par estchiel
lement de cordes et grauvéz d’achier. Et
y entra premierement en rampant aussi
comme I chat Bernart de Sale qui en son

vivant en eschiella plusieurs. Toutesvoies
a la veue du monde c’est chose impossible
de prendre ycellui chastel. Ce nonobstant
tant firent que Clermont demoura au
Captal de Bues, qui le tint grant temps
et pluseurs bons compaignons dedens qui
durement traveillirent puis le bon paÿs
de Vexin et de Beauvoisiz parmy l’aide des
autres forteresces qui se tenoient Navar
roises, la environ Cray, la Herielle et
Mauconseil et estoit tout le plat paÿs
a eulx ne nul n’aloit au devant. Et
toudiz se tenoit le siege devant Saint
Walery des chevaliers de Picardie et du
paÿs de Caux.
SHF 1-428 sync Ainsi estoit ensonnié et guerroié
de tous léz le royaume de France
en toutes ces parties en ce temps au tiltre
du roy de Navarre, et en furent pris et
conquiz et eschielléz plusieurs fors chas
teaux en Brie, en Champaigne, en Valoys,
en l’eveschié de Noyon, de Soissons, de Senliz
et de Laon desquelx plusieurs chevaliers
et escuiers de divers paÿs estoient chiefs.
Pardevers Pons sur Saine, vers Provins,
vers Troyes, vers Aucerre et vers Tonnerre
estoit le paÿs si entrepriz de fors guer
rieurs et de pillars que nul n’osoit yssir
des citéz ne bonnes villes. Entre Chalons
en Champaigne et Troyes ou chastel de
Beaufort qui est de l’eritage du duc de
Lencastre se tenoit messire Pierre d’Andelee
si en avoit fait une tresbelle et bonne
garnison. Ceulx couroient tout le paÿs
environ eulz. D’autrepart a Pons sur
Saine et a a la fois ou fort de Nogent, se
tenoit un tres appert chevalier de Henau
qui s’aspelloit messire Eustace d’Aubrechicourt
et avoit bien dessoubz lui VC combatants.
Si couroient tout le paÿs environ eulx.
D’autre costé en Champaigne ravoit
un escuier d’Alemaigne qui s’appelloit
Albrest moult appert homme d’armes. Ces
III chievetaines tenoient en la marche
de Champaigne et sur la riviere de
Marne plus de LX chasteaux et fortes
maisons et mettoient sur les champs
quant ilz vouloient plus de IIM com
batans et avoient miz tout le paÿs en pb 144 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.