The Online Froissart

Facsimile mode Settings Browse | Collate

pb 155 v

cel estat le quart d’une lieue quant il
s’arresta tout quoy deléz son pennon et entre
ses gens et dist en haut a messire Galehaut :
"Je fay doubte, sire chevalier, que vous ne
soyéz point messire Berthelemy de Bruves
car messire Berthelemy congnois je asséz
mais point ne vous ay encore ravisé. Si
vueil que vous vous nomméz ainçois que je
chevauce plus avant en vostre compaignie."
A ces mos s’avança messire Galehaut en
escriant Nostre Dame Ribeumont! pour prendre
le chevalier par les resnes du coursier. Et
tantost messire Rogier de Couloingne dist :
Couloingne a la rescousse! Quant messire
Regnaut se vit en tel party, il mist la main
a son espee et en fery messire Galehaut
ou costé si roidement qu’il lui perça les
plates et le corps tout oultre. Puis retrait
s’espee et fery cheval des esperons en
retournant en fuie et dont les gens messire
Galehaut se desrouterent et se ferirent
entre les gens messire Regnaut si en y
eut aucuns ruéz par terre. Et aucuns
se mistrent en chace aprés messire Regnaut
entretant que ses gens se combatoient.
Quant messire Regnaut vit qu’il estoit
de pres poursuivi, il s’arresta sur son
pas sur l’un d’eulx et donnoit si grant
coup de s’espee de guerre que cil qui feru
estoit n’avoit nulle voulenté de lui plus
suivir. Ainsi en chevauçant il en reversa
par terre jusques a III durement navréz.
Et fist tant le chevalier qu’il s’esloinga
des François et eschappa et se sauva et
n’y eut point de dommage de son corps
mais petit de ses gens se sauverent qu’ilz
ne feussent pris ou mors. Et la sur la
place on entendy a messire Galeaut,
si fu amené au plus doucement que
on peut a Peronne et la mediciné, de
ceste navreure ne fu il onques puis
sainement guery car il estoit tant
courageux que pour ce ne se vouloit
il mie esparengnier et ne vesqui point
longuement. SHF 1-462 sync Comment le roy d’Engle
terre mist siege devant la cité de Rains.
Tant exploitierent le dit roy et ses
ostz qu’ilz passerent Artois ou ilz
avoient trouvé le paÿs povre et desgarni

de vivres. Et entrerent en Cambresiz la
ou ilz trouverent la marche plus grasse
et plus plentiveuse car les hommes du
plat paÿs n’avoient riens boute es forte
resces pour tant qu’ilz cuidoient estre tous
asseurs du roy d’Engleterre et de ses gens
mais le dit roy ne l’entendy mie ainsy
ja feussent ceulx de Cambresiz de l’Empire.
Ains s’en vint logier en la ville de Beauvais
en Cambresis et ses gens tout environ.
La se tindrent IIII jours pour eulx re
freschir et leurs chevaux et coururent
la plus grant partie du paÿs de Cambresiz.
L’evesque Pierre de Cambray et le conseil
des seigneurs du paÿs et des bonnes villes
envoierent sur saufconduit devers le roy
et son conseil certains messages pour savoir
a quel tiltre il les guerrioit. On leur
respondi que c’estoit pour ce que du temps
passé ilz avoient fait aliances et grans
confors aux François et soustenu en
leurs villes et forteresses. Et aussi avant
partie de geurre avoient fait comme les
ennemiz. Ainsi passa le roy Cambresiz
et vint en Tierasse mais ses gens couroient
par tout a destre et a senestre et prenoient
vivres partout ou ilz les pouoient avoir
dont il eschei que messire Bietremieu de
Bruves couroit devant Saint Quentin. Si
trouva d’aventure le cappitaine de Saint
Quentin messire Baudouin Dennekin. Si
ferirent eulx et leurs gens ensemble et
y eut grant hustin et plusieurs reverséz
d’un léz et d’autre. Finablement les Englois
obtindrent la place et fu le dit messire
Baudouin prisonnier a messire Berthelemi
a qui il l’avoit esté autrefois a la bataille
de Poitiers. Si retournerent les dis Englois
devers l’ost du roy qui estoit logié pour
ce jour en l’abbaie de Femy ou ilz trouverent
grant foison de vivres pour eulx et pour
leurs chevaux. Puis passerent oultre et
exploitierent tant par leurs journees
sans avoir nul empeschement que ilz s’en
vindrent en la marche de Rains si assegierent
la cité de Rains en telle maniere. Le roy
fist son logeis a Saint Bale oultre Rains et
le prince de Galles et ses freres a Saint Thierry.
Le duc de Lencastre tenoit en aprés le plus pb 156 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.