The Online Froissart

Facsimile mode Settings Browse | Collate

pb 156 r

grant logeis. Les contes, les barons et
chevaliers estoient logiés es villaiges
d’entour Rains. Si n’avoient pas leurs
aises ne le temps a leur voulenté car ilz
estoient la venuz ou cuer de l’iver environ
la Saint Andry qu’il faisoit l’ait et pluieux
et estoient leurs chevaux mal logiés et
mal livréz car le paÿs II ans ou III en
devant avoit toudiz esté si guerroiers qu’il
n’avoit esté labouréz pourquoy on n’avoit
nulz fourraiges, bléz, ne avoines en garbes,
ne en suerres et couvenoit les plusieurs
aler fourer X ou XII lieues loings. Si
estoient souvent rencontréz des garnisons
françoises par quoy il y avoit hustins et
meslees, une heure perdoient les Englois
et une autre gaingnoient. De la bonne
cité de Rains estoient capitaines a ce jour
que le roy d’Engleterre y mist siege messire
Jehan de Craon, arcevesque du dit lieu, le
conte de Porsien et messire Hugue de Porsien
son frere, le sire de la Bove, le sire de Cavenci,
le sire d’Ennore, le sire de Lore et plusieurs
autres bons chevaliers et escuiers de la
marche de Rains. Si en soingnierent si bien
le siege durant que nul dommage ne se
prist a la ville car elle estoit forte et bien
fermee et de bonne garde. Et aussi le roy
d’Engleterre n’y fist point assaillir pour ce
qu’il ne vouloit mie ses gens traveillier
ne faire navrer et blecier. Et dura le siege
sur l’estat que vous avéz oy depuis la Saint
Andri jusques a l’entree de Quaresme. Si
chevaucierent souvent les gens du dit roy
en grans routes pour trouver autres aven
tures. Les aucuns par toute la conté de
Rechers jusques a Wark et jusques a Mai
sieres et jusques a Doncheri et a Mouson
et logoient ou paÿs II jours ou III. Et
desroboient tout sans defence ne contredit
de nullui, puis s’en repairoient en leur
ost. Auques en ce temps que le roy d’Engleterre
estoit venuz devant Rains avoit pris messire
Eustace d’Aubrechicourt la bonne ville de
Athigny sur Esne et dedens trouve grant
foison de vivres et par especial plus de
IIIM tonneaux de vin. Si en reparti au roy
d’Engleterre grandement et a ses enfans dont
ilz lui sceurent grant gre.

SHF 1-463 sync La prise du chastel de Chargny léz Chalons.
Endementiers que le siege estoit devant
Rains querroient aucuns chevaliers
aventures dont il avint que messire Jehan
Chandos, messire James d’Audelee, le sire de
Mucident, messire Richart de Pontehardon
et leurs routes chevaucierent si avant
devers Chalons en Champaigne qu’ilz vindrent
a Chargni en Dormois un moult beau fort,
si l’assaillirent roidement. La dedens avoit
en garnison deux bons chevaliers dont
l’un avoit nom messire Guy de Caples et
portoit d’or a une croix ancree de sable, moult
durement estoient assailli et forment se
defendoient. En cel assaut s’avança tant
le sire de Mucident un moult riche homme
et grant seigneur en Gascoingne qu’il fu
feru du giet d’une pierre sur son bacinet,
si eut la teste effondre dont il mouru
tantost aprés. De ce furent les autres chevaliers
si courrouciés qu’ilz jurement que jamais
de la ne partiroient si aroient conquiz le
chastel et ceulx qui dedens estoient. Adont
se mistrent ilz a l’assaillir plus fort que
devant. Et estoient les Gascoings tous for
senéz pour la mort de leur maistre s’y
entroient es fosséz sans eulx espargnier
et venoient jusques aux murs et rampoient
contremont les targes sur leurs testes.
Endementiers traioient les archiers si
onniement que nul n’osoit apparoir aux
defences fors en grant peril. Tant fu herié
et assailli que le chastel fu pris mais moult
leur cousta. Quant les Englois en furent
au dessus, ilz prindrent les II chevaliers qui
vaillemment s’estoient combatuz et aucuns
escuiers aussi gentilzhommes. Et le de
mourant mistrent a l’espee et malmenerent
malement le chastel de Chargni pour tant
qu’ilz ne le vouloient mie tenir. Aprés
retournerent en l’ost. En ce temps le siege
estant devant Rains se resmeurent haines
et grant mautalens entre le roy de Navarre
et le duc de Normandie. Et se party le dit
roy soudeinement de Paris et vint a Mante
sur Saine et deffia le dit duc et ses freres.
De quoy tout le royaume de France fu moult
esmerveillie a quel tiltre ceste guerre estoit pb 156 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.