The Online Froissart

Facsimile mode Settings Browse | Collate

pb 163 r

barons de France, qui la estoient pour le
temps, se traissent devers Calais. Adont ilz
prindrent congié a la royne d’Engleterre et a ses
filles, le roy d’Engleterre aconvoia le roy de France
jusques a Douvres et la le tint tout aise ou
chastel de Douvres II jours et tous les Fran
çois aussi. Au tiers jour ilz entrerent en
mer le prince de Galles, le duc de Lencastre, le
conte de Warvich, messire Jehan Chandos et
plusieurs autres seigneurs en leur compaignie
et arriverent a Calais environ la Saint Jehan
Baptiste. La se tindrent aisiement et attendirent
la un terme les messages du duc de Norman
die qui devoient aporter la finance de VIC
mille frans de France. Si vindrent le duc
de Normandie et ses II freres en la cité d’Amiens.
Endementiers se cueilloit le paiement
parmy le royaume. Et dont messire Galleas,
sire de Milan et de pluseurs citéz en Lombardie
fist ce premier paiement parmy ce que I sien
filz devoit avoir en mariage une des filles
du roy de France. Or ne fu mie ce mariage
si tost fait ne confermé pourquoy la
finance ne vint mie si tost avant. Si cou
vint ce dangier souffrir au roy de France
et attendre l’ordonnance de ses gens.
SHF 1-478 sync Des Englois qui se partirent des garnisons
qu’ilz tenoient en France.
Quant le prince de Galles et le
duc de Lencastre, qui se tenoient
a Calais deléz le roy de France, virent que
le terme passoit et que le paiement point
n’approuchoit si eurent voulenté de retourner
en Engleterre et se ordonnierent a ce. Et lais
sierent le roy de France en la garde de IIII
moult souffisans chevaliers, messire Regnaut
de Gobehen, messire Gautier de Mauny,
messire Guy de Briane et messire Rogier
de Beauchamp, et paioit le roy de France
ses fres et les fres de ces seigneurs et de leurs
gens si monterent grant foison bien le
terme de IIII mois qu’ilz furent a Calais.
Or vous parlerons d’aucuns chevaliers
englois, cappitaines de garnisons qui se
tenoient en France et estoient tenuz II
ans ou III ainçois que paix se feist. Ceulz
qui avoient apris a guerroier le paÿs furent
moult courrouciés quant ilz eurent com

mandement du roy d’Engleterre qu’ilz se partissent.
Si vendirent les pluseurs leurs forteresces a
ceulx du paÿs environ et en receurent grant
argent et puis s’en partirent. Et les autres
ne se vouldrent partir, ains firent guerre
comme devant en l’ombre du roy de Navarre
et ce furent ceulx qui se tenoient sur les
marches de Normandie et de Bretaigne.
Mais messire Eustace d’Aubrechicourt, qui se
tenoit dedens la ville de Athegny, quant
il s’en party, le vendi bien chier a ceulz du
paÿs. Or prist il simplement ses couvens
dont il fu puis mal paié et si n’en eut
autre chose. Si s’en partirent tous ceulx
qui tenoient forteresces en Laonnois, en
Soissonnois, en Picardie, en Brie, en Gasti
nois et en Champaigne. Et retournerent
les aucuns qui avoient asséz gaingnié
en leurs paÿs et ceulx qui n’avoient plus
talent de guerroier mais pluseurs se retrai
oient en Normandie devers les forteresses
navarroises. Or vint ce paiement de ces VIC
mille frans en la ville de Saint Omer en
l’abbaie de Saint Bertin sans adont porter
plus avant. Car les aucuns hauls barons
de France qui esleuz estoient a estre en hostages
en Engleterre faisoient grant dangier et le refu
soient de quoy se l’argent feust paié aux
Englois et les seigneurs de France ne voul
sissent entrer en hostage. Ainsi que l’ordonnance
du traittié se portoit la dicte somme de florins
eust esté perdue et la paix brisee sur ces choses
avoit bien maniere de regarder.
SHF 1-479 sync Ainsi demoura le roy de France a Calais
du mois de juillet jusques en la
fin d’octobre. Quant ces choses furent en
tel estat le roy d’Engleterre de ce enformé repassa
la mer a grant quantité de seigneurs et
de barons et vint derechief a Calais, la
eut grant parlement d’une partie et d’autre
du conseil des II roys qui par l’ordonnance
du traittié s’appellerent freres. La furent
leues les lettres de la paix assavoir se riens
y avoit a mettre ne a oster ne nul article
a corrigier. Et tous les jours donnoient
les II roys l’un a l’autre a disner et leurs
enfans moult grandement et estoffeement.
Et estoient en remaux et en recreations pb 163 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.