The Online Froissart

Facsimile mode Settings Browse | Collate

pb 16 v

ne les eust ainsi que par droit miracle secou
ru et aidié, mais par la grace de Dieu chascun
de ces seigneurs desconfist sa bataille si en
tierement et tous a une heure et en I point
que onques de tous ces XVIM Flamens n’en
eschappa M et fu leur cappitaine mort. Et
si ne sçot onques nul de ces seigneurs nouvelles,
l’un de l’autre, jusques adont qu’ilz orent tout
fait. Et onques de XVM Flamens qui mors y
demourerent, n’en recula un seul que tous
ne fussent mors et tuéz en trois monciaux
l’un sur l’autre, sans yssir de la place la ou
chascune bataille commença, qui fu l’an de
Grace mil CCC XXVII, le jour de saint Bertelemy.
Adont aprés ceste desconfiture vindrent les
Flamens a Cassel et y mistrent les banieres
de France et se rendy la ville au roy, et puis
Popringhe et puis Ypre et tous ceulz de la
chastelerie de Bergues, et ceulz de Bruges
ensivant. Et receurent le conte Loÿs, leur
seigneur, adont amiablement et paisiblement,
et lui jurerent foy et loyauté a tousjours mais.
Quant le roy Phelippe de France ot re
mis le conte de Flandres en son paÿs
et que tous lui orent juré feauté et hommage,
il departy ses gens et retourna chascun en
son lieu et il meismes s’en vint en France et
sejourner a Paris et la environ. Si fu du
rement prisiés et honnoréz de celle emprise
qu’il avoit faite sur les Flamens et du service
aussi du conte Loÿs, son cousin. Si demora
en grant prosperité et en grant honneur
et acrut grandement l’estat royal. Et n’y avoit
onques mais eu en France roy, si comme on
disoit, qui eust tenu l’estat pareil au roy
Phelippe. Et faisoit faire tournois, joustes et
esbatemens moult et a grant plenté. Or nous
tairons un petit de lui et parlerons des ordon
nances d’Engleterre et du gouvernement du roy.
SHF 1-43 sync Comment le roy Edouart fist mettre a
mort le conte de Kent et le seigneur de Mortemer.
Le joenne roy d’Engleterre se gouverna
un grant temps, si comme vous avéz
oy cy dessoubz, par le conseil de madame sa
mere, du conte de Kent son oncle et de monseigneur
Rogier de Mortemer. Au derrain, envie com
mença a naistre entre le conte de Kent dessus
dit et le seigneur de Mortemer. Et monta
puis l’envie si haut que le sire de Mortemer
enforma et enorta tant le joenne roy par le

consentement de madame sa mere. Et lui firent
entendant que le conte de Kent le vouloit
emprisonner et le feroit mourir temprement,
s’il ne s’en gardoit, pour avoir son royaume
comme le plus prochain aprés lui par succession,
car le joenne frere du roy que on clamoit
mesire Jehan de Heltem, estoit nouvellement
trespassé. Le joenne roy, qui creoit legiere
ment ce dont on l’enformoit, ainsi que joennes
seigneurs telz a on souvent veüz qui creoient
legierement ce dont ceulz qui les devoient
conseillier, les enformoient et plus tost en
mal que en bien, fist asséz tost aprés ce son
dit oncle le conte de Kent prendre et le fist
decoler publiquement. Onques il n’en pot
venir a escusance, de quoy tous ceulz du
paÿs, grans et petiz, nobles et non nobles, furent
durement troubléz et courrouciés et orent
depuis ce durement contre cuer le seigneur de
Mortemer, et bien pensoient que par son
conseil et pourchas, et par faulse envie, avoit
esté ainsi traitié le gentil conte de Kent qu’ilz
tenoient pour preudomme et pour loyal.
Ne onques aprés le sire de Mortemer ne fu
tant aiméz comme il avoit esté devant. Ne
demoura gueres puisque grant diffame
yssi hors sus la mere du roy d’Engleterre,
ne sçay mie se voirs estoit qu’elle estoit
ençainte, et en encouppoit on plus de ce fait
le seigneur de Mortemer que nul autre. Si
commença durement ceste esclandre a mul
tiplier, tant que le joenne roy en fu enforméz
souffisant, et avec tout ce il fu enformé que par
faulce envie du seigneur de Mortemer, fait
plus par traison que par raison. Il avoit
fait mettre a mort son chier oncle le conte
de Kent que tous ceulz du paÿs tenoient et
avoient toudiz tenu pour preudomme et
pour loyal. Dont se le joenne roy fu triste
et courroucié, ce ne fait mie a demander.
Si fist tantost prendre le seigneur de
Mortemer et le fist amener a Londres par
devant grant foison des barons et nobles
de son royaume et fist compter par I sien
chevalier tous les fais du seigneur de
Mortemer ainsi que escrips et registréz
les avoit. Et quant ilz furent tous dit et
compté, le dit roy d’Engleterre demanda a
tous par maniere de conseil et de jugement
quelle chose en estoit bon a faire. Le jugement en fupb 17 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.