The Online Froissart

Facsimile mode Settings Browse | Collate

pb 170 r

Pierre du Monestier cardinal d’Arras dit
d’Ostie a estre cappitaine de celle croiserie,
lequel se trait tantost hors d’Avignon et
vint sejourner a Carpentras IIII lieues
d’Avignon et retenoit toute manieres de
gens et de soudoiers qui venoient. Pluseurs
alerent celle part chevaliers et escuiers
et autres qui cuidoient avoir grans bienfais
du pape avec les pardons mais on ne leur
vouoit riens donner si s’en partirent. Et
aloient les aucuns en Lombardie, les autres
retournoient en leurs paÿs et aucuns se
mettoient en la mauvaise compaigne qui
croissoit de jour en jour tant qu’ilz se depar
tirent en pluseurs lieux et en pluseurs compaignes
et furent autant de cappitaines comme de
compaignes.
SHF 1-498 sync Ainsi herierent ilz le pape et cardinaux
et leurs marches d’environ Avignon
et y firent moult de mauls jusques bien
avant en l’este l’an mil IIIC LXI. Or avint
que le pape et les cardinaux s’aviserent
du marquis de Monferrant, qui avoit
grant temps tenu guerre contre les seigneurs
de Milan et faisoit encore, si le manderent
et quant il fu venu en Avignon, ilz l’onno
rerent moult. Si traitierent a lui que parmy
une some de florins qu’il devoit avoir, il
mettroit hors de la terre du pape et du paÿs
d’environ les compaignes et les menroit
en Lombardie. Le dit marquiz traitta devers
les cappitaines des compaignes et les mena
a ce que parmy LXM florins qu’ilz eurent
pour departir entr’eulx et aussi grans
gaiges que le marquis leur donna, ilz
s’acorderent et passerent avec lui en Lom
bardie et furent absouls de paine et de
couple si mistrent dedens I an le dit
marquiz au dessus de sa guerre par pluseurs
rencontres et escarmuches et prises de
villes et forteresces. Et quant paix fu
entre le marquiz de Montferrant et les
II seigneurs de Milan, monseigneur Galeas et
messire Barnabo, les aucuns de ces com
paignes qui avoient asséz gaingnie et
qui estoient ennuiéz de guerroier, retour
nerent en leurs nations mais la plus grant
partie se mistrent encore a mal faire et retour

nerent en France. Et aussi plusieurs y
estoient demouréz et par especial messire
Seguin de Betefol ne s’estoit onques voulu
partir pour traittié ne chose que on lui
sceust promettre. Ains s’estoit tenu tout le
temps en la garnison de Hause sur la riviere
de Sone. Et en ce temps il prist embla et
eschiella une bonne cité en Auvergne que
on dit Brude et siet sur la riviere de Sone
d’Aillier si se tint dedens bien un an. Et
la fortefia tellement qu’il ne doubtoit
nul homme et couroit tout le paÿs d’en
viron jusques au Pui, jusques a la Casse
Dieu, jusques a Clermont, jusques a Cillarch,
jusques a Montferrant, a Rion, a la Non
nette, a Usoire, a Oudable, a Saint Bonner l’Arsis
et toute la terre du conte daufin qui estoit
pour le temps ostagier en Engleterre et
y fist trop grans dommages. Et quant il
eut honny et apovri le paÿs environ, il
s’en party par accort et traittié et mena
son grant pillaige et tresor dedens Gascoigne
dont il estoit si n’en sçay plus parler fors
qu’il mouru asséz merveilleusement depuis
Dieu lui pardont ses meffais. SHF 1-499 sync La mort du duc
de Lencastre et du duc de Bourgoingne.
En ce temps trespassa de ce siecle en
Engleterre le gentil duc Henry de
Lencastre, de lui demourerent II filles, ma
dame Mahaut et madame Blanche. L’ainsnee
eut le conte Guillaume de Haynau, filz de messire
Loÿs de Baviere et de madame Marguerite
de Hainau sa femme. La maisnee eut messire
Jehan, conte de Richemont, filz du roy d’Engleterre,
qui puis fu duc de Lencastre. Auques en celle
saison mouru le joenne duc Phelippe de Bourgoingne
par quoy pluseurs terres vaguerent car il estoit
grant seigneur, premierement duc de Bourgoingne,
conte de Bourgoingne, conte d’Artois et de
Bouloingne, palatin de Brie et seigneur des
forestz de Champaigne. Et avoit une damoi
selle a femme fille au conte Loÿs de Flandres
de l’une des filles du duc Jehan de Braibant,
dont il avint que par proismeté madame
Marguerite mere au dit conte de Flandres,
se trait a la conte d’Artois et a la conté de
Bourgoingne et en fist foy et hommage au roy
de France. Aussi messire Jehan de Bouloigne pb 170 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.